جەمقورلىققا قارسى ءىس-قيمىل اگەنتتىگى "قايرات ساتىبالدى تۇرمەدە جاتىپ قىمبات قوناق ءۇي ساتىپ الدى" دەگەن اقپاراتقا قاتىستى پىكىر ءبىلدىردى. انتيكور اتالعان اقپاراتتى جوققا شىعارىپ، قايرات ساتىبالدىنىڭ سالىقتان جالتارۋ جانە قىلمىستىق جولمەن الىنعان كىرىستى زاڭداستىرۋمەن بايلانىستى تەرگەۋ جۇمىستارىنىڭ جالعاسىپ جاتقانىن حابارلادى. 

سونداي-اق انتيكوردىڭ مالىمدەۋىنشە، قايرات ساتىبالدىنىڭ زاڭسىز شىعارىلعان اكتيۆتەرى مەن مۇلىكتەرىن مەملەكەتكە قايتارۋعا قاتىستى ءتيىستى شارالار جۇرگىزىلىپ جاتىر.

"وسىعان بايلانىستى ق.ساتىبالدى ۇلى زالالدى وتەۋ ماقساتىندا بيزنەس ورتالىقتار، اكىمشىلىك عيماراتتار، كوممەرسيالىق ءۇي-جايلار، ۇيلەر، پاتەرلەر، اياقتالماعان قۇرىلىس وبەكتىلەرى، جەر ۋچاسكەلەرى، ەكسكليۋزيۆتى زەرگەرلىك بۇيىمدار، ليۋكس اۆتوماشينالار مەن اقشالاي قاراجات مەملەكەتكە بەرىلەدى. ولاردىڭ قاتارىندا 2021 جىلدىڭ قاراشا ايىندا ساتىبالدىۇلىمەن بايلانىستى كاسىپورىن ساتىپ العان "Double Tree by Hilton Almaty" قوناق ءۇيى دە بار"، دەلىنگەن انتيكور مالىمدەمەسىندە. 

ەسكە سالا كەتسەك، بۇعان دەيىن دەپۋتات ماقسات تولىقباي  الماتى قالاسىنىڭ ورتالىعىنداعى Double Tree by Hilton Almaty قوناق ءۇيىن ساتىپ العانىن ايتقان ەدى. 

"قايرات ساتىبالدى الماتى ورتالىعىنداعى Double Tree by Hilton Almatۋ بەسجۇلدىزدى  قوناق ءۇيىن 6 ميلليارد تەڭگەگە ساتىپ العان. ءبىراق ول كەلىسىمشارت جاسالعان ۋاقىتتا تۇرمەدە وتىرعانداقتان، ساتىپ العان كۇننىڭ وزىندە دە، بۇل ارەكەت زاڭسىز بولىپ تابىلادى"، – دەگەن ماقسات تولىقباي.