Air Astana كومپانياسىنا ءاربىر اۋە بيلەتىنەن جانارماي الىمىن نەگىزسىز جيناعانى ءۇشىن 6،7 ملرد تەڭگە ايىپپۇل سالىندى، دەپ حابارلايدى باسەكەلەستىكتى قورعاۋ جانە دامىتۋ اگەنتتىگى.
اگەنتتىك كولىك پروكۋراتۋراسى ورگاندارىمەن بىرلەسىپ، Air Astana قىزمەتىنە تەكسەرىس جۇرگىزگەن. وعان حالىقتىڭ اۋە بيلەتتەرى باعاسىنىڭ ۇزدىكسىز، اسىرەسە جازعى دەمالىس كەزىندە وسۋىنە قاتىستى شاعىمى سەبەپ بولدى.
"تەكسەرىس قورىتىندىسى بويىنشا Air Astana-نىڭ اۆياتاسىمال نارىعىنداعى ۇستەم جاعدايدى تەرىس پايدالانۋ فاكتىلەرى اشكەرە بولىپ، ءاربىر اۋە بيلەتىنەن جانارماي الىمىن نەگىزسىز العانى انىقتالدى"، - دەلىنگەن حابارلامادا.
2023 جىلعى 8 ماۋسىمدا الماتى قالاسىنىڭ اكىمشىلىك قۇقىقبۇزۋشىلىقتار جونىندەگى مامانداندىرىلعان اۋدانارالىق سوتى Air Astana-عا 6،7 ملرد تەڭگە اكىمشىلىك ايىپپۇل سالدى. سوت شەشىمى زاڭدى كۇشىنە ەنگەن جوق.
پىكىر قالدىرۋ