بۇگىن قازاقستاندىق مانەرلەپ سىرعاناۋشى، وليمپيادا جۇلدەگەرى  دەنيس تەننىڭ تۋعان كۇنى. 25 جاسىندا ومىردەن وتكەن سپورتشى 1993  جىلدىڭ 13 ماۋسىمىندا الماتىدا دۇنيەگە كەلگەن. ول ءتىرى بولعاندا بۇگىن 30 جاسقا تولار ەدى. 

دەنيس تەن – مانەرلەپ سىرعاناۋدان 2014 جىلعى سوچي وليمپياداسىنىڭ قولا، 2013 جىلعى الەم چەمپيوناتىنىڭ كۇمىس مەدال جۇلدەگەرى، Vءىى قىسقى ازيا ويىندارىنىڭ چەمپيونى. سونىمەن قاتار، سپورتشى قازاقستاننىڭ ءۇش دۇركىن چەمپيونى، قازاقستان رەسپۋبليكاسىنىڭ حالىقارالىق دارەجەدەگى سپورت شەبەرى اتانعان.

دەنيس تەن مانەرلەپ سىرعاناۋدان وليمپيادادا جانە الەم چەمپيوناتىندا مەدال العان العاشقى قازاقستاندىق سپورتشى بولعان. ول تەننيس، اكروباتيكا، تاەكۆوندو، كاراتە، جۇزۋمەن اينالىسىپ، بي جانە سۋرەت سالۋ مەكتەبىنە دە بارعان. كەيىننەن مانەرلەپ سىرعاناۋعا دەن قويعان. 

سپورتشى 2018 جىلدىڭ 19 شىلدەسىندە الماتى قالاسىندا قازا تاپتى. دەنيس تەندى بەلگىسىز ەكى ادام پىشاقتاپ كەتكەن. اۋىر جاراقات الىپ، 3 ليتر قان جوعالتقان 25 جاستاعى مانەرلەپ سىرعاناۋشى الماتىداعى №12 قالالىق كلينيكالىق اۋرۋحانادا كوز جۇمدى.