الماتى اكىمى ەربولات دوسايەۆ پەن Coursera ديرەكتورى دجەفف ماجيونكالدا قالانىڭ تەحنيكالىق جانە كاسىپتىك ءبىلىم بەرۋ ۇيىمدارىندا ونلاين-وقىتۋدىڭ جاھاندىق پلاتفورماسىن ەنگىزۋ ماقساتىندا ەكىجاقتى ىنتىماقتاستىق ماسەلەلەرىن تالقىلادى. كەزدەسۋگە قازاقستانداعى Coursera ديرەكتورى راۋان كەنجەحان ۇلى قاتىستى، سونداي-اق ەلەكتروندىق ءبىلىم بەرۋ سالاسىنداعى Bilim Media Group جانە ت. ب. كومپانيالاردى تانىستىردى.

ەربولات دوسايەۆ اتاپ وتكەندەي، الماتى سەرۆيس پەن تەحنولوگيانىڭ ەڭ ءىرى قالاسى رەتىندە وقىتۋدىڭ زاماناۋي قۇرالدارىن تالاپ ەتەدى. جىل سايىن تەحنيكالىق جانە كاسىپتىك ءبىلىم بەرۋ سالاسىندا قوسىمشا بازا مەن وقىتۋ باعدارلامالارىن تالاپ ەتەتىن جاڭا ماماندىقتار پايدا بولۋدا. بۇگىندە الماتى قالاسىندا 85 تەحنيكالىق-كاسىپتىك ءبىلىم بەرەتىن ۇيىم جۇمىس ىستەيدى، وندا 80 مىڭنان استام ستۋدەنت وقيدى.

ءوز كەزەگىندە دجەفف مادجيونكالدا Courserا سيفرلىق وقىتۋ پلاتفورماسى تۋرالى ايتتى. بۇل – ستۋدەنتتەر مەن تاربيەشىلەرگە الەمدىك دەڭگەيدەگى ۋنيۆەرسيتەتتەر مەن كومپانيالاردىڭ ونلاين كۋرستارىنا قول جەتكىزۋدى ۇسىناتىن جاھاندىق پلاتفورما. Coursera ءوز پلاتفورماسىندا 118 ميلليوننان استام وقۋشىنى بىرىكتىرەتىن ەڭ ءىرى جانە بەدەلدى جاھاندىق ءبىلىم بەرۋ ەكوجۇيەلەرىنىڭ ءبىرى بولىپ تابىلادى.

Coursera ءبىرىڭعاي پاكەتتە قالا كوللەدجدەرىنىڭ ستۋدەنتتەرى مەن وقىتۋشىلارى ءۇشىن قازاق، ورىس جانە اعىلشىن تىلدەرىندەگى كۋرستارعا، سونداي-اق كوللەدجدەردى college.smartnation.kz اۆتوماتتاندىرۋ پلاتفورماسىنا جانە ستۋدەنتتەردى جۇمىسقا ورنالاستىراتىن beam.kz پلاتفورماسىنا قولجەتىمدىلىكتى قامتاماسىز ەتەدى.

كەزدەسۋ قورىتىندىسى بويىنشا تاراپتار ەكىجاقتى قارىم-قاتىناستاردى ودان ءارى دامىتۋ، ستۋدەنتتەردى ونلاين-وقىتۋعا كەڭىنەن تارتۋ تۋرالى ۋاعدالاستى.