باس پروكۋراتۋرا اباي وبلىسىنداعى ورتكە بايلانىستى قوزعالعان ءىس اياسىندا يلين، سۇلەيمەنوۆا، ۇرانحايەۆ جانە احمەتوۆتى تەرگەيدى.
باس پروكۋروردىڭ ورىنباسارى جاندوس ومىرالييەۆ اباي وبلىسىنداعى ورتكە بايلانىستى "ەكى نەمەسە ودان دا كوپ ادامنىڭ ولىمىنە اكەلگەن ءورت قاۋىپسىزدىگى ەرەجەلەرىن ساقتاماۋ" جانە "سالعىرتتىق" بويىنشا ەكى قىلىمىستىق ءىس قوزعالعانىن مالىمدەدى. ونىڭ ايتۋىنشا، ورتكە قاتىسى بار بارلىق لاۋازىمدى تۇلعادان جاۋاپ الىنادى.
"ءقازىر ەكى ءىستى باس پروكۋراتۋرا تەرگەپ جاتىر. تەرگەۋ اياسىندا ءوز مىندەتىنە سالعىرت قاراعان، سونىڭ ناتيجەسىندە ارەكەتى قايعىلى وقيعاعا سەبەپ بولعان لاۋازىمدى تۇلعالاردىڭ بارلىعى انىقتالادى... لاۋازىمدى تۇلعالاردىڭ ارەكەتىنە ازىرگە باعا بەرىلگەن جوق. بارلىعى جاۋاپقا تارتىلادى"– دەدى جاندوس ومىرالييەۆ.
ەسكە سالا كەتەيىك، اباي وبلىسىنداعى ورمان ورتىنەن 15 ادام قازا تاپقان بولاتىن. ءقازىر ءتىلسىز جاۋدى اۋىزدىقتاۋعا 1800 گە جۋىق ادام جۇمىلدىرىلعان.
پىكىر قالدىرۋ