توتەنشە جاعدايلار مينيسترلىگىنىڭ باسشىسى يۋريي يلين اباي وبلىسىندا ءورت شىققان كەزدە دۋبايدا بولعان دەگەن اقپارات تارادى. اتالعان اقپاراتقا قاتىستى ۆەدومستۆا وكىلى پىكىر ءبىلدىردى.
مينيسترلىك الەۋمەتتىك جەلىدە تاراعان اقپاراتتى جوققا شىعارىپ، ەكس-مينيستردىڭ 8-9 ماۋسىمدا جۇمىس ساپارىمەن سولتۇستىك قازاقستاندا بولعانىن ايتتى.
"جۇمىس ساپارىنىڭ ءبىرىنشى كۇنى ول وبلىس ورتالىعىنىڭ جانىندا سالىنىپ جاتقان تجد ءورت ءسوندىرۋ قىزمەتىنىڭ جەدەل-قۇتقارۋ جاساعىنىڭ كەشەنىنە، پەتروپاۆلدىڭ بەرەكە شاعىن اۋدانىنداعى ءورت دەپوسى كەشەنىنىڭ قۇرىلىس اۋماعىنا باردى. كەلەسى كۇنى تجم باسشىسى وبلىس تۇرعىندارىمەن كەزدەسۋ وتكىزىپ، ب ا ق ءۇشىن بريفينگ وتكىزىپ، ۇەۇ وكىلدەرىمەن كەزدەستى. مينيستر اباي وبلىسىنداعى ورتكە جانە ءورتتى سوندىرۋگە تارتىلعان كۇشتەر مەن قۇرالداردى ۇيلەستىرۋ قاجەتتىلىگىنە بايلانىستى سولتۇستىك قازاقستان وبلىسىنا جۇمىس ساپارىن توقتاتتى"، – دەپ ءتۇسىندىردى تجم.
پىكىر قالدىرۋ