الەۋمەتتىك جەلىلەردە اباي وبلىسىنىڭ اكىمى نۇرلان ۇرانحايەۆتىڭ قىزى ءماريام ۇرانحايەۆانىڭ قىمبات برەندتەردەن كيىنىپ، ساۋىق–سايران سالىپ جۇرگەن ۆيدەولارى قىزۋ تالقىعا ءتۇستى.  

20 جاستاعى بويجەتكەننىڭ قىمبات اشەكەيلەرى مەن تانىمال برەند سومكەلەرىنىڭ باعاسى جەلى قولدانۋشىلارىنىڭ اشۋىنا ءتيدى. 

ول الەۋمەتتىك جەلىدەگى پاراقشاسىنا 15 ميلليوندىق القاسى مەن 8 ميلليوندىق جۇزىگىن، Cartier برەندىنىڭ 14 ميلليوندىق القاسىنىڭ سۋرەتىن جۇكتەگەن. ءارى اكىمنىڭ قىزىندا Hermes برەندىنىڭ بىرنەشە سومكەسى بار ەكەنى بايقالادى. ال ول سومكەلەردىڭ باعاسى 21 ميلليون تەڭگەدەن اسادى.

اباي وبلىسىنىڭ اكىمى نۇرلان ۇرانحايەۆ وسىعان دەيىن جالاقىسى 1 ميلليون 900 مىڭ تەڭگە ەكەنىن مالىمدەگەن بولاتىن. الايدا ونىڭ قىزىنىڭ 21 ميلييوندىق سومكەمەن جۇرگەنى جەلى قولدانۋشىلارىنىڭ شامداندىردى. 

"ونىڭ وسى ساۋىق–سايرانىنىڭ قۇنى 14 ادامنىڭ ومىرىمەن وتەلدى"، "وسى سومكەلەرمەن قانشا حالىقتى قامتاماسىز ەتۋگە بولار ەدى"، "ال مۇنىڭ ورنىنا جابدىقتار الۋعا بولار ەدى"، "حالىقتىڭ قاۋىپسىزدىگىنە بولىنگەن قاراجات كىمنىڭ قالتاسىندا كەتكەنى بەلگىلى بولدى"  دەپ جازدى جەلى قولدانۋشىلارى.