استانادا ەرەۋىلگە شىققان بەرالي مانگيستاۋ Company قىزمەتكەرلەرى باسقا كومپانياعا جۇمىسقا تۇرۋعا كەلىستى.
ولار ەندى ءمولدىر مۇناي سەرۆيس ج ش س–دە جۇمىس ىستەيتىن بولادى. بۇل تۋرالى وزەنمۇنايگاز كومپانياسىنىڭ باسپا ءسوز قىزمەتى حابارلادى.
"كومپانيانىڭ بۇرىنعى قىزمەتكەرلەرىن جۇمىسقا ورنالاستىرۋ قازمۇنايگاز ۇك اق قاعيدالارى شەڭبەرىندە قاتاڭ تۇردە جۇرگىزىلەدى. وزەنمۇنايگاز اق بارلىق ماسەلەنى زاڭناما شەڭبەرىندە شەشۋدى قولدايدى" – دەلىنگەن حابارلامادا.
جاڭا جۇمىس ورنىندا ولاردىڭ بۇعان دەيىنگى ەڭبەك جاعدايلارى تولىق ساقتالادى.
ەسكە سالا كەتەيىك، 11 ساۋىردە ءبىر توپ جاڭاوزەندىكتەر استانا قالاسىنداعى ەنەرگەتيكا مينيسترلىگى عيماراتىنىڭ جانىندا پيكەت ۇيىمداستىرعان بولاتىن. ولاردىڭ نارازىلىققا شىعۋىنا جۇمىسسىزدىق سەبەپ بولعان. "بەرالى ماڭعىستاۋ" كومپانياسى تەندەردەن ۇتىلىپ، جۇمىس ورىندارىنان ايىرىلعان مۇنايشىلار ەنەرگەتيكا مينيسترلىگىنىڭ الدىنا تۇنەگەن. كەيىن ارنايى كوميسسيا قۇرىلىپ، مۇنايشىلارمەن كەلىسسوز جۇرگىزىلەتىنىن حابارلاعان بولاتىن.
پىكىر قالدىرۋ