اباي وبلىسىندا ءورت كەزىندە جوعالىپ كەتكەن دولينسكيي ورمان شارۋاشىلىعىنىڭ تراكتورشىسى سەرگەي ارحيپوۆتىڭ دەنەسى تابىلدى. بۇل تۋرالى ىشكى ىستەر مينيسترلىگى حابارلادى.
سەرگەي ارحيپوۆ اباي وبلىسىنداعى ءورتتى ءوشىرۋ ءۇشىن بىرنەشە كۇن بۇرىن تراكتورمەن شىعىپ، 9 ماۋسىمنان بەرى حابارسىز كەتكەن ەدى. بۇگىن ونىڭ تراكتورى يەسىز تابىلعان بولاتىن.
سەرگەي ارحيپوۆ اباي وبلىسىنداعى ورتتەن قازا تاپقان 15 ءشى ادام. بۇعان دەيىن ءورتتى اۋىزدىقتاۋدا 14 ادام قازا تاۋىپ، 12 ماۋسىم جالپىۇلتتىق ازا تۇتۋ كۇنى بولىپ جاريانعان ەدى.
پىكىر قالدىرۋ