توتەنشە جاعداي مينيسترلىگى ەلدە توتەنشە جاعداي كەزىندە قولدانىلاتىن تەحنيكالاردىڭ جەتىسپەيتىنىن مويىندادى.

"توتەنشە جاعداي مينيسترلىگى 80 پايىزعا عانا تەحنيكامەن جابدىقتالعان. قازىرگى ۋاقىتتا 3200 تەحنيكا بار. ءالى 430 تەحنيكا كەرەك. 470 تەحنيكانىڭ قولدانىلىپ جۇرگەنىنە 20 جىلدان اسىپ كەتكەن" – دەدى توتەنشە جاعدايلار ءبىرىنشى ۆيسە-مينيسترى يبراگيم كۇلشىمبايەۆ.

سەنات وتىرىسىندا ەلدە ورتسوندىرۋشىلەر مەن ورمانشىلاردىڭ جالاقىسى تومەن ەكەنى دە ايتىلدى. قازىرگى ۋاقىتتا ورتسوندىرۋشىلەردىڭ ورتاشا جالاقىسى 180 مىڭ تەڭگەنى قۇرايدى. سونىمەن قاتار، ەلدە 121 ءورت ءسوندىرۋ ءبولىمى جەتىسپەيدى. ءقازىر 426 ءورت ءسوندىرۋ ءبولىمى بار.

قازاقستاندا ورمان ءورتى جيىلەپ كەتكەن. ءۇش جىل بۇرىن 700 ورمان ءورتى تىركەلسە، بىلتىر 757 ورمان ءورتى بولعان. بيىل جىل باسىنان بەرى 146 ورمان ءورتى، 700 دالا ءورتى تىركەلگەن.