مەكتەپ تابالدىرىعىن اتتاۋعا ءوتىنىش بەرگەندەر قاتارى 250 مىڭعا جۋىقتادى. وقۋ–اعارتۋ مينيسترلىگىنىڭ ايتۋىنشا، بيىل بالالاردىڭ 70 پايىزى مەملەكەتتىك تىلدە ءبىلىم الۋدى تاڭداعان. 

ەلىمىزدە 1 سىنىپقا قابىلداۋ ءساۋىر مەن تامىز ايلارىنىڭ بىرىنە دەيىن جالعاسادى. ءقازىردىڭ وزىندە 249 737 ءوتىنىش ءتۇسىپتى. ونىڭ ىشىندە بالالاردىڭ 70 پايىزى قازاق تىلىندە وقىتۋدى تاڭداعان.

"بيىلعى ءبىرىنشى سىنىپقا قابىلدانۋشىلار اراسىندا مەملەكەتتىك تىلدە وقىعىسى كەلەتىندەر كوپ. قازاق تىلىندە وقىتاتىن سىنىپتارعا قابىلداۋ بويىنشا قىزىلوردا 94،1%، ماڭعىستاۋ 93،2%،  ۇلىتاۋ 82،5%، تۇركىستان 80،6% جانە جامبىل 79،4% وبلىستارى ەڭ جوعارى كورسەتكىشپەن الدا تۇر"، – دەدى كوميتەت ءتوراعاسىنىڭ ورىنباسارى جومارت قارامبايەۆ.

ازاماتتارعا ىڭعايلى بولۋ ءۇشىن قۇجاتتاردى قابىلداۋ ەgov.kz پورتالى ارقىلى جۇزەگە اسىرىلادى. الدىن الا بولجام بويىنشا، جاڭا وقۋ جىلىندا 410 مىڭنان استام بالا ءبىرىنشى سىنىپقا بارادى.