توقايەۆتىڭ ۋادەسىنە قاراماستان اەس ماسەلەسى رەفەرەندۋمعا شىعارىلمايتىن بولدى. بۇل جونىندە ەنەرگەتيكا ۆيسە–ءمينيسترى جاندوس نۇرماعانبەتوۆ مالىمدەدى.
"بۇل ماسەلە رەفەرەندۋمعا شىعارىلمايدى. نەگىزگى ماسەلە اەس–ءتىڭ قايدا ورنالاستىنا بولىپ وتىر. ەكىنشى ماسەلە، تەحنولوگيا مەن قارجىلىق-ەكونوميكالىق مودەل"، – دەدى ەنەرگەتيكا ۆيسە–ءمينيسترى جاندوس نۇرماعانبەتوۆ بەيسەنبى كۇنى سەنات وتىرىسىندا.
كازتاگ اقپاراتتىق اگەنتتىگىنىڭ حابارلاۋىنشا، جۋرناليستەر اتوم ستانسيسىنىڭ قايدا ورنىلاساتى 2023 جىلدىڭ ءبىرىنشى جارتىجىلدىعىندا شەشىلۋى ءتيىس ەكەنىنە نازار اۋدارعان.
"وكىنىشكە وراي، بۇل جاعىن ءالى شەشكەن جوقپىز. زاڭناماعا سايكەس ماسەلە الماتى وبلىسىنىڭ ءماسليحاتى مەن قوعامدىق تىڭداۋدا تۇر. ءقازىر بىزگە جاڭا مينيستر كەلگەندىكتەن، بۇل ماسەلەنى ءالى دە تالقىلاپ جاتىرمىز"،–دەدى نۇرماعانبەتوۆ.
ەسكە سالا كەتەيىك، بۇعان دەيىن قازاقستان پرەزيدەنتى قاسىم–جومارت توقايەۆ اەس سالىناتىن بولسا، مىندەتتى تۇردە، حالىقپەن ساناساتىنىن ايتقان ەدى.
"ءتىپتى، قاجەت بولسا بۇل ماسەلە بويىنشا رەفەرەندۋم وتكىزەمىز. سەبەبى بۇل وتە جاۋاپتى، وزەكتى ماسەلە. سوندىقتان مەن ۋادەمدى ورىندايمىن"، - دەگەن بولاتىن ەل پرەزيدەنتى.
پىكىر قالدىرۋ