گرۋزيادا قازا تاپقان قازاقستاندىق جۋرناليست جانبولات تولەگەنگە قاتىستى جاڭا اقپارات جاريالاندى.
گرۋزيا ءىىم كاحەتيا پوليسيا دەپارتامەنتىنىڭ قىزمەتكەرلەرى جەدەل-ىزدەستىرۋ ءىس-شارالارىنىڭ ناتيجەسىندە ازامات گ.ح. قاساقانا كىسى ءولتىردى دەگەن كۇدىكپەن ۇستالدى. ول اتالعان قىلمىس بويىنشا 10-15 جىلعا باس بوستاندىعىنان ايىرىلۋى مۇمكىن.
تەرگەۋ بارىسىندا سوتتالۋشى جانجال كەزىندە قازاقستاندىق ءجۋرناليستى قاتتى زاتپەن ۇرىپ ولتىرگەن. سونداي-اق كۇدىكتى جانبولات تولەگەندى بۇرىننان تانيتىن بولىپ شىقتى.
رەسمي دەرەكتەر بويىنشا، كۇدىكتى قىلمىسىن جاسىرۋ ءۇشىن ايەلدىڭ ءمايىتىن وزەنگە اعىزىپ، وقيعا ورنىنان قاشىپ كەتكەن.
اتالعان قىلمىستىق ءىس بويىنشا تەرگەۋ جۇمىستارى جالعاسىپ جاتىر.
ەسكە سالساق بۇگىن گرۋزيادا قازاقستاندىق جۋرناليست جانبولات تولەگەننىڭ قازا تاپقانى حابارلانعان ەدى.
پىكىر قالدىرۋ