سەمەي قالاسىنىڭ اكىمدىگى رەسەيلىك بي-2 توبىنىڭ 21 ماۋسىمعا جوسپارلانعان كونسەرتى بولمايتىنىن مالىمدەدى. الايدا كەيىننەن حابارلاما اكىمدىك پاراقشاسىنان الىنىپ تاستالعان.
"قۇرمەتتى وتانداستار! ورمان ءورتى كەزىندە ورىن العان قايعىلى وقيعاعا بايلانىستى، سونىمەن قاتار، وبلىس جۇرتشىلىعىنىڭ ءوتىنىشى بويىنشا 21 ماۋسىمدا ارەنا مكقك جوسپارلانعان "بي-2" توبىنىڭ كونسەرتى بولمايدى. تۇىنىستىكپەن قاراۋلارىڭىزدى سۇرايمىز "، – دەلىنگەن حابارلامادا.
الەۋمەتتىك جەلى قولدانۋشىلارى قايىرىمدىلىق كونسەرتىنىڭ وتپەيتىنىنە نارازىلىق ءبىلدىرىپ، بي-2 توبىنىڭ رەسەي اگرەسسياسىنا قارسى ەكەنىن دە تىلگە تيەك ەتتى.
ەسكە سالا كەتەيىك، بۇعان دەيىن توپ مۇشەلەرى سەمەيدەگى كونسەرتتەن تۇسكەن قاراجاتتى اباي وبلىسىنداعى ورمان ورتىنەن زارداپ شەككەندەرگە كومەكتەسۋگە اۋداراتىنىن مالىمدەگەن بولاتىن.
پىكىر قالدىرۋ