شىمكەنتتە ەڭبەك جانە الەۋمەتىك قورعاۋ دەپارتامەنتىنىڭ جەتەكشىسى ەكىنشى توپ مۇگەدەگىنەن پارا العان. ول ازاماتتىڭ مۇگەدەكتىگىن تاعى دا سوزىپ بەرۋ ءۇشىن اقشا سۇراعان.

10 مىڭ تەڭگەنى قالتاسىنا باسقان دەپارتامەنت جەتەكشىسى ارەكەتى ءۇشىن سوت زالىنان ءبىر-اق شىقتى. وعان 250 مىڭ تەڭگە مولشەرىندە ايىپۇل سالىنىپ، مەملەكەتتىك قىزمەتتە جۇمىس ىستەۋگە ءومىر بويىنا تيىم سالىندى.

"بۇل حالىقتىڭ وسال توبىنا قاتىستى جاسالعان وتە اۋىر قىلمىس. وسىعان بايلانىستى ءبىزدىڭ دەپارتامەنت ءبىرقاتار ءىس-شارالار وتكىزدى. ناتيجەسىندە ەڭبەك جانە الەۋمەتتىك قورعاۋ دەپارتامەنتى № 5 ءبولىمىنىڭ باسشىسىنا قاتىستى پارا الۋ فاكتىسى بويىنشا سوتقا دەيىنگى تەرگەۋ جۇرگىزىلدى. ول باسشى لاۋازىمدى اتقارا وتىرىپ، دەلدال ارقىلى ەكىنشى توپتاعى مۇگەدەك ازاماتقا مۇگەدەكتىك مەرزىمىن ۇزارتۋ ءۇشىن 10 مىڭ تەڭگە پارا العان"، – دەدى ق ر سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتىنىڭ ءبولىم باسشىسى ولجاس توباشوۆ.

شەنۋنىككە قاتىستى ءىس ماتەريالدارى سوتقا جىبەرىلدى، دەپ حابارلادى Otyrar.kz