الماتىدا زاڭگەر ايمان اسانوۆانى ولتىرگەن ەر ادام 1،5 جىلعا سوتتالدى. ونى بۇرىنعى كۇيەۋى پىشاقتاعان، دەپ حابارلايدى Zakon.kz.
الماتى سوتىنىڭ حابارلاۋىنشا، القابيلەردىڭ ۇكىمى بويىنشا ايىپكەر اففەكت جاعدايىندا كىسى ولتىرگەنى ءۇشىن كىنالى دەپ تانىلدى. سوتقا دەيىنگى تەرگەۋ ورگانى ن. اجىراسقاننان كەيىن مۇلىكتى ءبولۋ بويىنشا جانجالعا بايلانىستى بۇرىنعى جۇبايىن ماقساتتى تۇردە ءولتىردى دەپ ايىپتادى (قك-نىڭ 99-ب. 1-ب.). قىلمىستىق ءىستى قاراۋعا 10 القابي قاتىسقان.
زاڭ بويىنشا سوتتالۋشىنىڭ كىنالى نەمەسە كىناسىزدىگى تۋرالى ۇكىم ءاربىرى 1 داۋىسقا يە القابيلەر مەن سۋديانىڭ داۋىس بەرۋى ارقىلى قابىلدانادى.
"القابيلەر ن. اففەكت جاعدايىندا كىسى ولتىرگەنى ءۇشىن كىنالى دەگەن ۇكىم شىعاردى. ولار ن. مەن جابىرلەنۋشى اراسىندا جانجال شىعىپ، قاقتىعىس بارىسىندا جابىرلەنۋشى ن.-نىڭ ەر-ازاماتتىق ار-نامىسى مەن قادىر-قاسيەتىن قورلاي باستادى جانە قالعان مۇلىكتى الىپ كەتەمىن دەپ قورقىتتى دەگەن قورىتىندىعا كەلدى. بۇل رەتتە ا. تەرگەۋدە انىقتالماعان پىشاقتى الىپ، ن.-دى قۋالاپ ءجۇرىپ، پىشاقتى سەرمەي باستاعان. ايىپكەر ا.-نىڭ سوزدەرىن ورەسكەل قورلاۋ رەتىندە قابىلداپ، كەنەتتەن پايدا بولعان قۋاتتى پسيحيكالىق تولقۋ (اففەكت) جاعدايىندا جابىرلەنۋشىنىڭ قولىنان پىشاقتى تارتىپ الىپ، مويىن مەن باس ايماعىنا سوققى جاساعان. جاراقات سالدارىنان جابىرلەنۋشى اۋرۋحانادا كوز جۇمدى. ءىس بويىنشا كەشەندى سوت پسيحولوگيالىق-پسيحياتريالىق ساراپتاماسىنىڭ قورىتىندىسى بار، ساراپتاماعا سايكەس ن. قىلمىس جاسالعان ۋاقىتتا جابىرلەنۋشىنىڭ ارانداتۋشىلىق مىنەز-قۇلقىنىڭ ناتيجەسىندە پايدا بولعان، قىسقا مەرزىمدىلىك، وتپەلىلىك جانە كەنەتتەن ورىن الۋىمەن سيپاتتالعان قۋاتتى پسيحيكالىق تولقۋ - فيزيولوگيالىق اففەكت جاعدايىندا بولعان"، – دەلىنگەن الماتى سوتىنىڭ حابارلاماسىندا.
قك-نىڭ 101-ب. 1-ب. (اففەكت جاعدايىندا كىسى ءولتىرۋ) سانكسياسى باس بوستاندىعىنان 3 جىلعا دەيىن شەكتەۋ نەمەسە ايىرۋ تۇرىندەگى جازا تاعايىندالادى.⠀
پروكۋروردىڭ ايىپتاۋ اكتىسىندە اۋىرلاتاتىن ءمان-جايلاردىڭ جوق ەكەنى كورسەتىلگەن.
زاڭ بويىنشا (قك-نىڭ 55-ب. 2-ب.) ايىپتى جەڭىلدەتەتىن جانە اۋىرلاتاتىن ءمان-جايلار بولماعان كەزدە جازا 1 جىل 6 ايدان (3 جىلدان 1/2) اسپاۋى ءتيىس. القابيلەر سوتى ن.-عا 1 جىل 6 اي باس بوستاندىعىنان ايىرۋ جازاسىن تاعايىندادى.
ۇكىم زاڭدى كۇشىنە ەنگەن جوق.
پىكىر قالدىرۋ