استانا قالاسى بايقوڭىر اۋداندىق №2 سوتىنىڭ سۋدياسى باعلان ىدىرىسوۆ ەكس-مينيستر ارىستانبەك مۇحامەدي ۇلى مەن وزگە دە ايىپتالۋشىلارعا قاتىستى ءىس بويىنشا 43 ميلليون تەڭگە ءوندىرۋ تۋرالى شەشىم شىعاردى.

"مۇحامەدي ۇلى، نۇرازحان، كوشەنوۆ جانە سادۋاقاسوۆادان 43 ميلليون 829 مىڭ 114 تەڭگە ماتەريالدىق شىعىن مەملەكەت پايداسىنا ءوندىرىلسىن. وسى ۇكiم زاڭدى كۇشiنە ەنگەن كۇننەن باستاپ سوتتالعاندارعا ازاماتتىق تالاپ بويىنشا سوت ۇكiمiن ءوز ەركiمەن ورىنداۋ ءۇشiن بiر اي مەرزiم بەلگiلەنسiن. كورسەتىلگەن مەرزىم وتكەننەن كەيىن ازاماتتىق تالاپ تۇرعىسىنان ۇكىمدى ورىنداماعان جاعدايدا ءماجبۇرلى" – دەدى سۋديا.

تەرگەۋ بارىسىندا ارىستانبەك مۇحامەدي ۇلى 111 ميلليون تەڭگەدەن اسا شىعىندى ءىشىنارا وتەگەنىن اتاپ ءوتتى.

سوت مىناداي شەشىم شىعاردى:

ءاربىر سوتتالعان ادامنان – مۇحامەدي ۇلى، نۇرازحان، كوشەنوۆ، ءسادۋاقاسوۆادان مەملەكەت كىرىسىنە 328 مىڭ 718 تەڭگەدەن مەملەكەتتىك باج ءوندىرىپ الىنسىن؛

ءاربىر سوتتالعان ادامنان – مۇحامەدي ۇلى، نۇرازحان، كوشەنوۆ، ءسادۋاقاسوۆادان پروسەستىك شىعىن ءۇشىن مەملەكەت كىرىسىنە 855 مىڭ 343 تەڭگەدەن ءوندىرىپ الىنسىن؛

ءاربىر سوتتالعان ادامنان جابىرلەنۋشى پايداسىنا 20 اەك، 55 مىڭ 560 تەڭگە مولشەرىندە ءماجبۇرلى تولەم ءوندىرىپ الىنسىن؛

كوشەنوۆتىڭ مۇلكىنەن – ۋاز 390945 ماركالى كولىك قۇرالىنا، استانا قالاسىنداعى ۇلى دالا، 7/7 مەكەنجايىنداعى پاتەرگە، ۇلى دالا، 7/2 مەكەنجايىنداعى تۇراق ورنىنا ازاماتتىق تالاپ قويۋ بولىگىندە ۇكىمنىڭ ورىندالۋىن قامتاماسىز ەتۋ ءۇشىن سالىنعان تىيىمدى ساقتاۋ؛

سونداي اق، مۇحامەدي ۇلىنىڭ مۇلكىنەن Toyota Camry ماركالى كولىك قۇرالىنا سالىنعان تىيىمدى ساقتاۋ.

ەسكە سالا كەتەيىك، كەشە بۇرىنعى مادەنيەت ءمينيسترى ارىستانبەك مۇحامەدي ۇلى 8 جىلعا سوتتالعان بولاتىن.