الماتى وبلىسىندا ەكى مەكتەپتى جوندەۋ بارىسىندا اسا ءىرى مولشەردە مۇلىكتى جىمقىرۋ ءىسى بويىنشا تەرگەۋ اياقتالدى.
قارجىلىق مونيتورينگ اگەنتتىگىنىڭ مالىمەتىنشە، 2020 جىلدىڭ مامىر ايىندا الماتى وبلىسى كەربۇلاق اۋدانىنىڭ ءبىلىم ءبولىمى مەن پمك-7ك ج ش س اراسىندا جالپى سوماسى 855 ملن تەڭگەنى قۇراعان "سارىباستاۋ" جانە "قاراعاش" اۋىلدارىنداعى ەكى مەكتەپتى كۇردەلى جوندەۋدەن وتكىزۋ تۋرالى شارت جاسالعان.
قۇرىلىس جۇمىستارى كەزىندە قۇرىلىس كومپانياسىنىڭ باسشىسى جوبالاۋ-سمەتالىق قۇجاتتامادا كوزدەلگەن جۇمىستاردى ورىنداماي، ورىندالعان جۇمىستاردىڭ اكتىلەرىن جالعان جاساۋ ارقىلى اسا ءىرى مولشەردە اقشا جىمقىرعان.
"ونىڭ قىلمىستىق ارەكەتتەرى ناتيجەسىندە ءجشس-تىڭ ەسەپ ايىرىسۋ شوتىنا 57،5 ملن تەڭگە سوماسىندا اقشا قاراجاتى زاڭسىز اۋدارىلدى. تەرگەۋ ناتيجەسىندە وعان قاتىستى قىلمىستىق ءىس سوتقا جولدانىپ، ايىپتاۋ ۇكىمى شىقتى. سونىمەن قاتار، سوتتالۋشىمەن مەملەكەتكە كەلتىرىلگەن 57،5 ملن تەڭگە سوماسىنداعى زالال تولىعىمەن وتەلگەن"، – دەلىنگەن حابارلامادا.
پىكىر قالدىرۋ