سوڭعى مالىمەتكە سۇيەنسەك، "ۆاگنەر" اسكەرلەرى رف شەكاراسىن كەسىپ ءوتىپ، دونداعى روستوۆ قالاسىنا كىرىپ، ءقازىر ۆورونەج قالاسىنا جەتكەن.
"ۆاگنەر" باسشىسى روستوۆتا رف قورعانىس مينيسترلىگىنىڭ وڭتۇستىك اسكەري وكرۋگىندا قورعانىس ءمينيسترىنىڭ ورىنباسارى يۋنۋس-بەك ەۆكۋروۆپەن كەزدەسكەن.
كەزدەسۋدە پريگوجين وزدەرىنىڭ مۇنداي قادامعا بارۋىنا رەسەيدىڭ تۇراقتى ارمياسىنىڭ جالدامالىلار لاگەرلەرىنە تۋ سىرتتارىنا راكەتامەن سوققى بەرگەندەرى سەبەپ بولعانىن مالىمدەدى.
ول روستوۆقا كەلە جاتقان جولدا رەسەي قورعانىس ءمينيسترى سەرگەي شويگۋدىڭ قورىققاننان قالادان قاشىپ كەتكەنىن ايتتى. سول سەبەپتى ول قورعانىس ءمينيسترىنىڭ ورىنباسارىنا ۆەدومستۆونىڭ باسشىسى سەرگەي شويگۋ مەن رف قارۋلى كۇشتەرى باس شتابىنىڭ باستىعى ۆالەريي گەراسيموۆتى ۇستاپ بەرۋدى تالاپ ەتتى.
"رەسەي اسكەرىنىڭ ۋكرايناداعى ادام قازاسى قۇجاتتا كورسەتىلىپ جاتقانداي ەمەس. ودان 10 ەسە كوپ. سوندىقتان ماعان شويگۋ مەن گەراسيموۆتى تاپسىرىڭىزدار. ولارمەن وڭاشا اڭگىمەم بار. ەگەر سىزدەر ولاردى وسى جەرگە اكەلمەسەڭىزدەر ءبىز ماسكەۋگە بارامىز" – دەدى پريگوجين.
ازىرگە قورعانىس مينيسترلىگى وعان جاۋاپ بەرگەن جوق.
پىكىر قالدىرۋ