تاليبان باسشىسى حايباتۋللا احۋندزادا اۋعانستانستان ايەلدەرىنىڭ قۇقىعى قورعالاتىنىن مالىمدەدى. بۇل تۋرالى The Khorasan diary پورتالى حابارلادى.

ونىڭ ايتۋىنشا، تاليبان رەجيمى ەندى اۋعان ايەلدەرىن ءدىن مەن ءداستۇردى جەلەۋ ەتىپ، قىسپاققا المايدى.

"تاليبان رەجيمى ايەلدەردىڭ قۇقىعىن ساقتاي وتىرىپ، نەكە، مۇراگەرلىك جانە باسقا دا قۇقىقتارىن قورعايدى. يسلام امىرلىگى كەزىندە ايەلدەردى كوپتەگەن ءداستۇرلى قىسىمنان، سونىڭ ىشىندە ءماجبۇرلى تۇردە نەكەلەستىرۋدەن قۇتقارۋ ءۇشىن ناقتى شارالار قابىلداندى جانە ولاردىڭ شاريعاتتاعى قۇقىقتارى قورعاۋ ماسەلەسى كوتەرىلدى. سونىمەن قاتار ايەلدەردىڭ قوعام مۇشەسى رەتىندە جاعدايىن جاقسارتۋ، ولارعا شاريعاتقا ساي جايلى ءومىر سىيلاۋ ءۇشىن قاجەتتى قادامدار جاسالدى"، – دەلىنگەن احۋندزادانىڭ قۇربان ايت مەرەكەسىنە ارنالعان قۇتتىقتاۋ حابارلاماسىندا.

حابارلاما اراب، داري، اعىلشىن، پۋشتۋ جانە ۋردۋ تىلدەرىندە تاراتىلعان. 

احۋندزادا ايەلدەرگە حيدجاب كيۋدى مىندەتتەۋ سىندى ەرەجەلەر جويىلاتىنىن ايتتى.

ەسكە سالا كەتەيىك، اۋعانستاندا تاليبان بيلىككە كەلگەلى ايەلدەرگە سپورتپەن شۇعىلدانۋعا تىيىم سالىنىپ، ەر ادامداردان بولەك وقۋعا ءماجبۇر بولدى. سونىمەن قاتار تاليبان اۋعانستانداعى ايەلدەردى حيدجاب كيۋگە مىندەتتەپ، ەر ادامسىز كوشەگە شىعۋعا، جۇمىس ىستەۋگە تىيىم سالعان.