Flightraday24 سەرۆيسىنىڭ دەرەكتەرىنە سايكەس رەسەي پرەزيدەنتى ۆلاديمير ءپۋتيننىڭ ەكى ۇشاعى 25 ماۋسىمعا قاراعان ءتۇنى ماسكەۋگە قونعان.
24 ماۋسىمعا قاراعان ءتۇنى پرەزيدەنتتىك بورتتاردىڭ ءبىرى رەسەيدەگى اسكەري قاقتىعىس كەزىندە ۆنۋكوۆودان سانكت-پەتەربۋرگكە شۇعىل تۇردە ۇشىپ كەتكەن بولاتىن. ال كۇندىز ءپۋتيننىڭ جەكە ۇشاعى دا ماسكەۋدەن ۇشىپ كەتكەن ەدى. الايدا پۋتين رەزيدەنسيالارىنىڭ ءبىرى ورنالاسقان تۆەر وبلىسىندا ۇشاق راداردان جوعالعان. ەكى ۇشاقتىڭ قاي باعىتقا ۇشقانى تۋرالى دەرەك جوق.
كەيىن 25 ماۋسىمنىڭ تۇنىندە تۆەر وبلىسىندا رادارعا قوسىلىپ، ءبىراز ۋاقىتتان سوڭ ماسكەۋگە قونعان.
ەسكە سالساق، بۇعان دەيىن پرەزيدەنت ءباسپاسوز-حاتشىسى دميتريي پەسكوۆ رەسەي پرەزيدەنتىنىڭ كۇنى بويى كرەملدە جۇمىس ىستەگەنىن، ەلدەن كەتپەگەنىن حابارلاعان بولاتىن.
پىكىر قالدىرۋ