قىلمىستىق توپ مەسسەندجەر ارقىلى استانا، كوكشەتاۋ جانە قاراعاندىدا ەسىرتكى وتكىزۋ ارناسىن جولعا قويعان، - دەپ حابارلايدى Polisia.kz.
ۇيىمداسقان قىلمىستىق توپتىڭ مۇشەلەرىن پوليسەيلەر "سۇڭقار" جانە جىلدام قيمىلدايتىن ارنايى جاساق بولىمشەلەرىمەن بىرلەسىپ، بيىل ساۋىردە ۇستاعانى ايتىلدى.
"ءۇش قالادا 11 قىلمىسكەر ۇستالىپ، توعىز مەكەنجاي بويىنشا قىزمەتتىك-ىزدەستىرۋ يتتەرىن تارتا وتىرىپ ءتىنتۋ جۇرگىزىلگەن بولاتىن. تەرگەۋ بارىسىندا ۇيىمداسقان قىلمىستىق توپتىڭ ءاربىر قاتىسۋشىسى ەسىرتكىنى ءبۋىپ-تۇيۋ، ساقتاۋ، تاسىمالداۋ نەمەسە تاراتۋ، توپتىڭ اقشالاي كىرىستەرى مەن شىعىندارىن باقىلاۋ سياقتى ناقتى رولدەردى ورىنداعانى دالەلدەندى.
وسىلايشا، قىلمىسكەرلەردىڭ ءبىرى قىلمىستىق بيزنەسپەن قامتىلعان قالالار بويىنشا ەسىرتكىنىڭ اسا ءىرى پارتيالارىن ساقتاۋعا جانە تاسىمالداۋعا جاۋاپتى بولدى. ال ەكىنشىسى قارجىلىق كىرىستەر مەن شىعىنداردى باقىلاۋ ءۇشىن توپتىڭ مۇشەلەرىنە "جالاقى" تولەۋمەن، "جوعالعان" ەسىرتكىلەر ءۇشىن ايىپپۇلدار سالۋمەن اينالىسقان"، - دەلىنگەن حابارلامادا.
قىلمىستىق توپ مۇشەلەرىنىڭ ءبىرى ەسىرتكى ساتىلاتىن ينتەرنەت-ارنالاردىڭ جۇمىسىن قامتاماسىز ەتكەن. سونداي-اق، ول جاڭا كليەنتتەردى بەلسەندى تۇردە تارتۋمەن اينالىسىپ، ونلاين-كونكۋرستار، ۇتىس ويىندارى مەن اكسيالار وتكىزگەن.
"توپ مۇشەلەرىنىڭ ءبىرى كامەلەتكە تولماعان كوللەدجدىڭ ەكىنشى كۋرس ستۋدەنتى ەكەنىن ايتا كەتكەن ءجون. زاڭسىز اينالىمنان ءۇش كەلى ەسىرتكى تاركىلەندى. قىلمىستىق ىسكە زاتتاي دالەل رەتىندە ۇلتتىق جانە شەتەل ۆاليۋتاسىنداعى قاراجات، قىلمىستىق اركەتتە پايدالانىلعان ۇيالى تەلەفوندار، نوۋتبۋكتەر، سيم-كارتالار قوسا تىركەلدى"، - دەلىنگەن حابارلامادا.
ەسىرتكى ساتاتىن ءۇش ينتەرنەت-دۇكەننىڭ جۇمىسى توقتاتىلدى.
"ۇيىمداستىرۋشىعا جانە ەسىرتكى بيزنەسىنە قاتىسۋشىلارعا اسا ءىرى مولشەردە ەسىرتكىنىڭ زاڭسىز اينالىمىنان باسقا ق ر قك-نىڭ 262ء-شى "ۇيىمداسقان توپتى قۇرۋ، وعان باسشىلىق ەتۋ جانە قاتىسۋ" بابى بويىنشا ايىپ تاعىلىپ وتىر. مۇلكى تاركىلەنىپ، ون ەكى جىلعا دەيىن باس بوستاندىعىنان ايىرۋ جازاسى كوزدەلەدى"، – دەدى ق ر ءىىم ەسىرتكى قىلمىسىنا قارسى ءىس-قيمىل دەپارتامەنتى باستىعىنىڭ ورىنباسارى اسقار مۇحامەتقالييەۆ.
پىكىر قالدىرۋ