سىرتقى ىستەر مينيسترلىگىنىڭ رەسمي وكىلى ايبەك سمادياروۆ لۋكاشەنكو مەن نازاربايەۆتىڭ تەلەفون ارقىلى سويلەسكەنى جايلى اقپاراتقا تۇسىنىكتەمە بەردى.
ول لۋكاشەنكو مەن بۇرىنعى پرەزيدەنت نۇرسۇلتان نازاربايەۆتىڭ نە جايىندا سويلسەكەنى ولاردى جەكە اڭگىمەسى ەكەنىن، ال مەملەكتتىك ماسەلەگە توقايەۆ جاۋاپ بەرەتىنىن ايتتى.
"بەلارۋس پرەزيدەنتى ءبىزدىڭ بۇرىنعى پرەزيدەنتىمىزدىڭ باياعىدان كەلە جاتقان سەرىكتەسى، ولاردا تالقىلايتىن تاقىرىپتار كوپ. ءبىراق وزدەرىڭىز بىلەتىندەي، ەلىمىزدىڭ سىرتقى ساياساتى، ونىڭ ىشىندە شەت مەملەكەتتەرمەن قارىم-قاتىناستى ايقىنداۋ قازاقستان رەسپۋبليكاسىنىڭ قازىرگى پرەزيدەنتى قاسىم-جومارت توقايەۆتىڭ قۇزىرىنا كىرەدى. سوندىقتان قازاقستان مەن بەلارۋس اراسىنداعى قاتىناستاردى تەك قازىرگى مەملەكەت باسشىلارى اراسىندا عانا تالقىلاۋعا بولادى”، - دەدى سمادياروۆ.
سونىمەن قاتار، ول ەكس-پرەزيدەنتتىڭ نە تۋرالى سويلەسكەنى جانە نەنى اقىلداسىپ، تالقىلاعانى وزدەرىنىڭ جەكە اڭگىمەسى دەدى. ال مينيسترلىك تەك قازىرگى ەكى مەملەكەت باسشىلارى اراسىنداعى قارىم-قاتىناسقا نەگىزدەلەتىن حابارلادى.
ەسكە سالا كەتەيىك، بۇعان دەيىن بەلارۋس پرەزيدەنتىنىڭ باسپا ءسوز قىزمەتى لۋكاشەنكونىڭ 25 ماۋسىم كۇنى نۇرسۇلتان نازاربايەۆپەن تەلەفون ارقىلى سويلەسكەنىن جازعان بولاتىن.
پىكىر قالدىرۋ