بۇگىن استانانىڭ 25 جىلدىعىنا وراي «استانا – مەنىڭ وتانىمنىڭ ەلورداسى» اتتى الەۋمەتتىك تۋر باستالدى. اتالعان تۋردىڭ العاشقى قاتىسۋشىسى بولىپ اباي وبلىسىنان 50 بالا كەلدى.

استانا قالاسى اكىمدىگى ۇيىمداستىرعان تۋرعا بۇكىل رەسپۋبليكا بويىنشا الەۋمەتتىك جاعدايى تومەن، كوپبالالى وتباسىلاردىڭ، جەتىم جانە اتا-انانىڭ قامقورلىعىنسىز قالعان 1000 بالا قاتىسادى دەپ جوسپارلانۋدا.

-استاناعا كەلگەن بالالار ەلوردانىڭ «استانا-بايتەرەك» مونۋمەنتى، «نۇر الەم» بولاشاق ەنەرگياسى مۋزەيى، ق ر تۇڭعىش پرەزيدەنتىنىڭ مۋزەيى، ق ر ۇلتتىق مۋزەيى، «حان شاتىر» ساۋدا ورتالىعى سياقتى قالانىڭ كورنەكى جەرلەرىن ارالايدى. سونىمەن قاتار بالالارعا ارنالعان ەڭ قىزىقتى ساۋىقتىرۋ ورىندارى – وكەاناريۋم، دجۋنگلي، قازاقستانداعى ەڭ ۇلكەن شولۋ دوڭگەلەگى، باتۋت ساياباعىن كورسەتۋ جوسپارلانۋدا، - دەدى استانا قالاسىنىڭ ينۆەستيسيالار جانە كاسىپكەرلىكتى دامىتۋ باسقارماسىنىڭ ءتۋريزمدى دامىتۋ ءبولىمىنىڭ باسشىسى ءومىرۇزاق تىلەۋجان.

ونىڭ ايتۋىنشا، بالالار استانانى 3 كۇن ارالايدى. ولارعا قالانى كورسەتەتىن ارنايى ادامدار بار. ولاردىڭ جاتىن جەرى، 3 مەزگىل تاماقتانۋ ماسەلەسى الدىن الا شەشىلىپ قويىلعان.