قالا اكىمى استانا كۇنى – ەكس پرەزيدەنت نازاربايەۆتىڭ تۋعان كۇنىنە سايكەس كەلەتىن قالا كۇنىندە وتشاشۋدىڭ ۇيىمداستىرىلماۋىنىڭ سەبەبىن ءتۇسىندىردى. جۋرناليستەردىڭ سۇراقتارىنا جاۋاپ بەرۋ كەزىندە جەڭىس قاسىمبەك ەكس-پرەزيدەنتتىڭ اتىن اتامادى.
ول ەلوردا جۇرتشىلىعى وتشاشۋ سۇراماعانىن ايتتى.
"ءبىز وتشاشۋ ۇيىمداستىرۋدى جوسپارلاعان جوقپىز. سوندىقتان ءسىز اتاعان فاميليامەن ەشقانداي بايلانىس جوق. قالا جۇرتشىلىعى دا وتشاشۋ سۇراعان جوق. سوندىقتان ۇيىمداستىرىلمايدى"، – دەدى قاسىمبەك.
ەستەرىڭىزگە سالا كەتەيىك، بۇدان بۇرىن قالا اكىمدىگى مەرەكەگە وراي وتشاشۋ بولمايتىنىن مالىمدەگەن. بيىل استانا كۇنى ءۇشىنشى جىل قاتارىنان وتشاشۋسىز وتپەك.
پىكىر قالدىرۋ