سينوپتيكتەر 4-6 شىلدە كۇندەرى قازاقستاندا اۋا رايى قانداي بولاتىنى تۋرالى بولجام جاسادى.

مەتەورولوگتاردىڭ مالىمەتىنشە، ەلىمىزدىڭ باسىم بولىگىندە تۇراقسىز اۋا رايى ساقتالادى. نايزاعاي ويناپ، ەكپىندى جەل سوعادى. 6 شىلدەدە رەسپۋبليكانىڭ شىعىسىندا، وڭتۇستىك-شىعىسىندا جانە ورتالىعىندا قاتتى جاڭبىر، بۇرشاق جاۋۋى مۇمكىن.

تەك ەلىمىزدىڭ باتىسىندا اۋا رايى جاۋىن-شاشىنسىز بولادى.

"سونداي-اق باتىستا كۇندىزگى تەمپەراتۋرا 33-39 گرادۋسقا دەيىن بىرتىندەپ كوتەرىلەدى، رەسپۋبليكانىڭ قالعان بولىگىندە اۋا تەمپەراتۋراسىنىڭ ازداپ تومەندەۋى كۇتىلەدى: سولتۇستىك-باتىستا جانە ورتالىقتا 25-35 گرادۋسقا دەيىن، سولتۇستىكتە 25-30 گرادۋسقا دەيىن، شىعىستا جانە وڭتۇستىك-شىعىستا 20-30 گرادۋسقا دەيىن، وڭتۇستىكتە 25-38 گرادۋسقا دەيىن"، - دەلىنگەن حابارلامادا.