جەتىسۋ وبلىسىندا اۋداندىق بالاباقشالاردىڭ ءبىرىنىڭ بۋحگالتەرى 40 ملن تەڭگەگە جۋىق بيۋدجەت قاراجاتىن جىمقىرعان، دەپ حابارلايدى باس پروكۋراتۋرانىڭ باسپا ءسوز قىزمەتى.
"جەتىسۋ وبلىسىنىڭ اقسۋ اۋدانىندا بالاباقشا بۋحگالتەرى وزىنە جوعارى جالاقىنى زاڭسىز تولەۋ ارقىلى 40 ملن تەڭگەگە جۋىق بيۋدجەت قاراجاتىن ۇرلادى دەگەن كۇدىككە ءىلىندى"، - دەلىنگەن حابارلامادا.
باس پروكۋراتۋرانىڭ مالىمتىنشە، جىمقىرۋ فاكتىسى شتات كەستەسى مەن بانكتىك شوتتاردى سالىستىرۋ كەزىندە انىقتالعان. وندا ءتيىستى جالاقى مەن ناقتى تولەنگەن قاراجات اراسىندا ايىرماشىلىق بولعان.
"اتالعان فاكتىگە قاتىستى پروكۋراتۋرا قىلمىستىق كودەكستىڭ 189-بابى 4-بولىگى 2-تارماعى بويىنشا (اسا ءىرى مولشەردە ۇرلاۋ) سوتقا دەيىنگى تەرگەپ-تەكسەرۋدى باستادى"، - دەپ اتاپ ءوتتى ۆەدومستۆو.
