اقتاۋدا 21 جاستاعى ۆالەريا شالنوۆانىڭ ءمايىتى تابىلدى، دەپ حابارلايدى وبلىستىق پوليسيا دەپارتامەنتىنىڭ باسپا ءسوز قىزمەتى.
2 شىلدەدە ساعات 08:00 شاماسىندا 102 كەزەكشى پۋلتىنە ايەلدىڭ ءمايىتى تابىلعانى تۋرالى حابارلاما كەلىپ تۇسكەن.
"اقتاۋ قالاسىنداعى سۋ جيناۋ كانالىندا، كوپىر ماڭىندا ادامنىڭ ءمايىتى جاتىر دەگەن شاقىرتۋ كەلىپ ءتۇستى. وقيعا ورنىنان 21 جاستاعى قىزدىڭ ءمايىتى تابىلدى، دەنەسىندە زورلىق-زومبىلىق بەلگىلەرى جوق "، - دەيدى ۆەدومستۆو.
قىلمىستىق كودەكستىڭ 105-بابى ""ءوزىن ءوزى ولتىرۋگە دەيىن جەتكىزۋ" بويىنشا ساراپتاما جاسالىپ، تەرگەۋ باستالدى.
Inaktau.kz باسىلىمى "مارقۇم ۆالەريا شالنوۆانىڭ تۋىستارىنىڭ پايىمىنشا، قىزدى بىرەۋ ءولتىرىپ، سۋعا ءوزى باتىپ كەتكەندەي ەتىپ كورسەتپەكشى بولعان" دەپ جازعان. قىلمىستىڭ سەبەبى قىزعانىش بولۋى مۇمكىن. قىزدىڭ جىگىتى وعان ءجيى قول كوتەرگەن ەكەن.
پىكىر قالدىرۋ