قورعانىس ءمينيسترى رۋسلان جاقسىلىقوۆ اسكەري بولىمنەن قاشىپ كەتكەن داۋلەت تۇرلىحانوۆتىڭ ۇلىن قانداي جازا كۇتىپ تۇرعانىن ايتتى. مينيستر ونىڭ اسكەري قۋدالاۋ ورگاندارىنىڭ شەشىمىمەن قولباسشىلىقتىڭ باقىلاۋىندا بولعانىن ايتتى. گاۋپۆاحتادان شىعىپ، اسكەري بولىمگە كەلە جاتقاندا ءوز ەركىمەن كەتىپ قالعان.
"تارتىپتىك جارعىعا سايكەس، ول جازالانادى. قايتالاپ ايتامىن، اسكەر جاس قىلمىسكەرلەردى قاماۋدا ۇستايتىن كولونيا ەمەس. ءبىزدىڭ فۋنكسيامىز مۇلدە باسقا. بۇل – تاربيەدەن كەتكەن ولقىلىق. ءبىز ونى تۇزەتە المايمىز. ءبىزدىڭ فۋنكسيامىز باسقا"، - دەدى جاقسىلىقوۆ ۇكىمەت كۋلۋارىندا.
ەسكە سالساق، بۇعان دەيىن داۋلەت تۇرلىحانوۆتىڭ ۇلى اسكەري بولىمنەن قاشىپ كەتكەنى تۋرالى اقپارات تاراعان بولاتىن.
پىكىر قالدىرۋ