ۇلىتاۋ وبلىسىندا قازاقستاننىڭ سولتۇستىگىن رەسەيگە بەرۋدى ۇسىنعان ازاماتقا قاتىستى قىلمىستىق ءىس قوزعالدى. بۇل تۋرالى قازتاگ اگەنتتىگى حابارلادى.
ول "ەل تۇتاستىعىن بۇزۋعا ۇگىتتەۋ" بابى بويىنشا ايىپتالۋدا، دەپ حابارلادى وبلىستىق پروكۋراتۋرا.
جەزقازعان ازاماتى چات-رۋلەتكادا قازاقستاننىڭ سولتۇستىك ءوڭىرىن رەسەيگە بەرۋدى ۇسىنعان. بەينەجازبا الەۋمەتتىك جەلىدە تارالعاننان كەيىن ءبىرقاتار جەزقازعاندىق پوليسيادان ارەكەتكە كوشۋدى تالاپ ەتكەن ەدى.
ال كەيىننەن سىسويەۆتىڭ ءوزى قازاقستاندىقتاردان كەشىرىم سۇراپ، بەينەجازبا جاريالاعان بولاتىن. وندا ول ءوزىنىڭ چات-رۋلەتكاعا ماس كۇيدە كىرگەنىن ايتقان.
پىكىر قالدىرۋ