اباي وبلىسى بەسقاراعاي اۋدانىندا ءورت شىقتى، دەپ حابارلايدى توتەنشە جاعدايلار مينيسترلىگى. اتالعان ايماقتا قۇرعاق ءشوپ جانىپ جاتىر.
"10 شىلدەدە ساعات 12:35-تە "101" پۋلتىنە بەسقاراعاي اۋدانىندا بىرلىك پەن بەلوكامەنكا اۋىلدارىنىڭ اراسىندا قۇرعاق ءشوپتىڭ ورتەنىپ جاتقانى تۋرالى حابارلاما ءتۇستى. ءورت ءسوندىرۋ بولىمشەلەرى كەلگەننەن كەيىن اشىق اۋماقتا قامىس، بۇتا جانە قۇرعاق ءشوپ ورتەنىپ جاتقانى انىقتالدى"، - دەلىنگەن ۆەدومستۆو حابارلاماسىندا.
ءتىلسىز جاۋ 4،5 گەكتار اۋماققا جايىلعان. ءورت 15:18 ساعاتتا وقشاۋلاندى.
"ورمانقورى مەن ەلدى مەكەندەرگە ءتونىپ تۇرعان ءقاۋىپ جوق. قازىرگى ۋاقىتتا ءورتتى سوندىرۋگە اباي وبلىسى توتەنشە جاعدايلار دەپارتامەنتىنىڭ، "سەمەي ورمانىنىڭ" كۇشتەرى مەن قۇرالدارى، اتاپ ايتقاندا 30 ادام جانە 7 تەحنيكا جۇمىلدىرىلدى"، - دەپ حابارلادى مينيسترلىك.
پىكىر قالدىرۋ