ۇلتتىق قاۋىپسىزدىك كوميتەتىنىڭ مالىمەتىنشە، 4 شىلدەدە ۆەدومستۆو قىزمەتكەرلەرى ىشكى ىستەر مينيسترلىگىمەن بىرلەسە وتىرىپ، الماتى، ورال جانە اقساي قالالارىندا ەكى قىلمىستىق توپتى ۇستاعان.

بوپسالاۋ، بۇزاقىلىق جانە توناۋ بويىنشا كۇدىككە ىلىنگەن قىلمىستىق توپتىڭ 20 مۇشەسى ۇستالدى. ءتىنتۋ شارالارىنىڭ ناتيجەسىندە اتىس جانە سۋىق قارۋلار، ەسىرتكى تاركىلەندى.

الدىن الا مالىمەت بويىنشا، كۇدىكتىلەر باس پايدالارى ءۇشىن بەيبىت ازاماتتاردى قورقىتقاندارى بەلگىلى بولدى. جاپا شەككەندەر فيزيكالىق زورلىق-زومبىلىقتان قاۋىپتەنىپ، ىشكى ىستەر ورگاندارىنا جۇگىنبەگەن.

قىلمىستىق توپتىڭ قۇرامىندا بۇرىن سوتتالعاندار مەن دەسترۋكتيۆتى ءدىني اعىم وكىلدەرى بولعان. ولاردىڭ بىر-بىرىمەن تەكەتىرەستە بولعاندارى جانە بەلگىلى ءبىر ايماقتاردا ءوز امىرلەرىن جۇرگىزۋ ءۇشىن قارۋ قولدانا وتىرىپ، قاقتىعىستارعا بارعاندارى بەلگىلى بولدى.

سوتقا دەيىنگى تەرگەۋ جالعاسىپ جاتىر.