اسكەري سوتتىڭ قىلمىستىق ىستەر جونىندەگى اپەللياسيا القاسى ەكس-قورعانىس ءمينيسترى مۇرات بەكتانوۆقا شىققان ۇكىمدى قايتا قاراپ، شەشىم شىعاردى، دەپ جازادى قازاقپارات.
"اسكەري سوتتىڭ قىلمىستىق ىستەر جونىندەگى اپەللياسيالىق القاسىنىڭ قاۋلىسىمەن ۇكىم وزگەرىسسىز قالدى جانە زاڭدى كۇشىنە ەندى. سوتتالعان مۇرات بەكتانوۆ جازاسىن اباي وبلىسىنىڭ سەمەي قالاسىنداعى ەڭ جوعارى قاۋىپسىزدىكتەگى قىلمىستىق-اتقارۋ جۇيەسى مەكەمەسىندە وتەيدى"، - دەلىنگەن مامانداندىرىلعان اۋدانارالىق اسكەري سوتىنىڭ جاۋابىندا.
ەسكە سالايىق، بىلتىر، 21 اقپاندا بۇرىنعى قورعانىس ءمينيسترى مۇرات بەكتانوۆ ۇستالىپ، ۋاقىتشا ۇستاۋ يزولياتورىنا قامالعان ەدى. كەيىن قاڭتار وقيعاسى كەزىندە بۇرىنعى ءمينيستردىڭ زاڭسىز بۇيرىق بەرگەنى انىقتالدى.
ايتا كەتەيىك، 9 ناۋرىزدا بۇرىنعى قورعانىس ءمينيسترى مۇرات بەكتانوۆ 12 جىلعا سوتتالدى.
پىكىر قالدىرۋ