الماتى كوشەلەرىنىڭ بىرىنە ورىس قولباسشىسى الەكساندر نيەۆسكييدىڭ ەسكەرتكىشى ورناتىلادى. مۇنداي باستامانى قازاقستانداعى پراۆوسلاۆ شىركەۋى ۇسىنعان، دەپ حابارلادى كازتاگ.
ەسكەرتكىشتىڭ اشىلۋىنا بەلسەندى تۇراربەك قۇسايىنوۆ قارسىلىق ءبىلدىردى.
"تاريح بويىنشا كنياز الەكساندر نيەۆسكيي التىن وردانىڭ ۆاسسالى بولعان. ءبىراق ول كوشپەلى اتا-بابالارىمىزدى جەك كورەتىن. نەلىكتەن قازاقستاننىڭ وڭتۇستىك استاناسى الماتىدا كرەمل مەن پۋتين اۋليە سانايتىن الەكساندر نيەۆسكيي سياقتى يمپەرياليستكە ەسكەرتكىش قويىلماق؟"، - دەدى ول.
ەسكەرتكىشتىڭ اشىلۋى تۋرالى جازبا پراۆوسلاۆيە شىركەۋىنىڭ سايتىندا جاريالانعان. الايدا كەيىننەن جازبا وشىرىلگەن.
نيەۆسكييدىڭ ەسكەرتكىشىن ورناتۋ وتكەن جىلى دا جوسپارلانعان ەدى. الايدا وعان قالانىڭ ەسكەرتكىشتەردى قورعاۋ كوميسسياسى رۇقسات بەرمەگەن.
پىكىر قالدىرۋ