شىمكەنتتە تۇرمىستىق زورلىق-زومبىلىق بويىنشا ون كۇندە 200-گە جۋىق ادام جاۋاپقا تارتىلدى. 

پوليسيا قىزمەتكەرلەرىنىڭ مالىمەتىنشە، شىلدەنىڭ العاشى 10 كۇنىندە شىمكەنت پوليسياسىنپ تۇرمىستىق زورلىق-زومبىلىققا قاتىستى 191 شاقىرتۋ تۇسكەن. ونىڭ ىشىندە 10 شاقىرتۋ بويىنشا جابىرلەنۋشىنىڭ ارىزىنسىز، ۋچاسكەلىك ينسپەكتوردىڭ انىقتاۋىمەن اكىمشىلىك ءىس قوزعالدى.

ق ر اقبتك-نىڭ 73-بابىمەن 92 ادامعا، دەنساۋلىققا قاساقانا جەڭىل زيان كەلتىرگەنى ءۇشىن جانە ۇرىپ-سوعۋ بويىنشا 5 ازاماتقا اكىمشىلىك ءىس قوزعالدى. قۇقىقبۇزۋشىلىقتار بويىنشا دەر كەزىندە جابىرلەنۋشىنىڭ قاۋىپسىزدىگىن قامتاماسىز ەتۋ ماقساتىندا 31 اگرەسسورعا قاتىستى 24 ساعاتقا اكىمشىلىك ۇستاۋ شاراسى قولدانىلدى.

تۇرمىستىق زورلىق-زومبىلىق بويىنشا اكىمشىلىك ىستەر سوتقا جولدانىپ، 14 ەر ادام اكىمشىلىك قاماۋعا الىنعان.

جابىرلەنۋشىنىڭ قاۋىپسىزدىگىن قامتاماسىز ەتۋ ماقساتىندا 112 ادامعا قاتىستى قورعاۋ نۇسقاماسى شىعارىلىپ، 1 اي مەرزىمگە پروفيلاكتيكالىق ەسەپكە الىندى. ال 9 ازاماتتىڭ مىنەز-قۇلقىنا سوت ارقىلى ەرەكشە تالاپتار بەلگىلەندى.

ەسكە سالپ كەتەيىك، 1 شىلدەدەن باستاپ پرەزيدەنت تاپسىرماسىمەن تۇرمىستىق زورلىق-زومبىلىق تۋرالى زاڭعا ەنگىزىلگەن وزگەرىستەر ءوز كۇشىنە ەندى.