ازىرلەنگەن جوسپارعا سايكەس اتالعان توپتىڭ قىلمىستىق ارەكەتىنىڭ توقتاتۋ ءۇش كەزەڭنەن تۇرعان. ءبىرىنشى كەزەڭدە حالىقارالىق ىزدەۋدە جۇرگەن، قىلمىستىق ورتادا نويس لاقاپ اتىمەن بەلگىلى جۇماگەلدييەۆتىڭ وڭ قولى باسقاراتىن ۇيىمداسقان قىلمىستىق توپتىڭ نەگىزگى كريمينالدىق بۋىنىن جويۋعا تىرىسقان.

"19 ساۋىردە الماتى قالاسىنىڭ، الماتى، تۇركىستان، شىعىس قازاقستان جانە پاۆلودار وبلىستارىنىڭ اۋماعىندا اۋىر قىلمىستاردى جاساۋعا، ونىڭ ىشىندە 2018 جىلى الماتىدا بولعان ادام ولتىرۋگە وقتالۋعا قاتىسى بار ۇيىمداسقان قىلمىستىق توپتىڭ 12 مۇشەسى ۇستالدى. ەكىنشى كەزەڭدە كريمينالدىق ورتادا كاراس لاقاپ اتىمەن بەلگىلى ديكيي ارماننىڭ تاعى ءبىر كومەكشىسى باقىلايتىن ۇيىمداسقان قىلمىستىق توپتى قارجىلاندىرۋ ورنى جويىلدى. 25-26 ءساۋىر ارالىعىندا الماتى، شىمكەنت قالالارىندا جانە تۇركىستان وبلىسىندا 130 دان استام ءتىنتۋ جۇرگىزىلىپ، زاڭسىز ويىن بيزنەسىنە جانە اتالعان ۇيىمداسقان قىلمىستىق توپتى قارجىلاندىرۋعا قاتىسى بار 53 فيگۋرانت ۇستالدى. وسى جەدەل-تەرگەۋ ءىس-شارالارىنىڭ ناتيجەسىندە ۇيىمداسقان قىلمىستىق توپ قۇرعانى جانە ونى باسقارعانى ءۇشىن قىلمىستىق كودەكستىڭ 262-بابى بويىنشا ەكى قىلمىستىق ءىس تىركەلدى. مامىر ايىندا قىلمىستىق توپتىڭ قىزمەتىن قارجىلاندىرۋ فاكتىسى بويىنشا قىلمىستىق كودەكستىڭ 266-بابىمەن قوسىمشا سوتقا دەيىنگى تەرگەپ-تەكسەرۋ باستالدى"، – دەلىنگەن حابارلامادا.