تاۋەلسىز باقىلاۋشىلار ۇيىمىنىڭ باسشىسى بەسجان تولەۋبەكۇلىن تاڭەرتەڭ پوليسيا ۇستاپ اكەتكەن. بەلسەندىنى ادۆوكاتى مەن جاقىندارى ىزدەپ تاپپاي جاتقانىن حابارلادى.
بەسجان تولەۋبەك ۇلى بۇگىن تاراز قالاسىنان الماتىعا كەلگەن. تاڭعى ساعات سەگىزدە جاقىن ادامىنا "قامادى" دەپ حابارلاما قالدىرعان ول سودان بەرى حابارسىز كەتكەن.
بەلسەندىنىڭ ۇستالۋىنا 11 شىلدە كۇنى قاڭتار وقيعاسى كەزىندە الماتى اۋەجايىن باسىپ الۋ ءىسى بويىنشا سوتتالعانداردى قولداپ، سىرتتا ءسوز سويلەگەنى سەبەپ بولۋى مۇمكىن. الايدا ۇكىم وقىلعان وتىرىسقا بەسجان تولەۋبەكۇلىنان بولەك 160 ازامات قولداۋعا بارعان.
الماتى قالاسى پوليسيا دەپارتامەنتىنىڭ ناۋرىزباي اۋداندىق پوليسيا باسقارماسىنىڭ اكىمشىلىك ىستەر جونىندەگى ءبولىمىنىڭ باسشىسى اسحات بەيدالييەۆ بەلسەندىنىڭ ادۆوكاتىنا تولەۋبەكۇلىنىن تاۋىپ بەرۋگە ۋادە بەردى.
پىكىر قالدىرۋ