18 شىلدەدە الماتى وبلىسى كەگەن اۋداندىق سوتى سەرىك كۇدەبايەۆتىڭ قىرعىزستانعا قالاي وتكەنى جونىندە تىڭ دەرەكتەردى جاريالادى. 

الماتى وبلىسى كەگەن اۋداندىق سوتى سەرىك كۇدەبايەۆقا قاتىستى قازاقستاننىڭ مەملەكەتتىك شەكاراسىن وتكىزۋ پۋنكتتەرىنەن تىس قاساقانا زاڭسىز كەسىپ ءوتۋ فاكتىسى بويىنشا قىلمىستىق ءىستى قاراعان بولاتىن. 

«ايىپتالۋشى سەرىك كۇدەبايەۆ بيىل 15 ناۋرىزدا شامامەن ساعات 4:30-دا قىلمىستىق جوسپارعا سايكەس، كەگەن اۋدانىنداعى تىكەندى سىمنان جاسالعان شەكارا قورشاۋىن كوتەرىپ، وتكىزۋ پۋنكتىنەن تىس اۋماق ارقىلى قازاقستان-قىرعىزستان شەكاراسىن زاڭسىز كەسىپ وتكەن. وسىلايشا، ك. ماناس اۋەجايى ارقىلى تۇركياعا ۇشىپ، جازادان جالتارماق بولدى. ۇستالعاننان كەيىن ول قازاقستانعا ەكستراديسيالاندى»، - دەلىنگەن الماتى وبلىسى كەگەن اۋداندىق سوتىنىڭ باسپا ءسوز قىزمەتىنىڭ حابارلاماسىندا.