شىمكەنتتە كوشە ورتاسىندا بيلەگەن بلوگەر قىز جاۋاپقا تارتىلدى. ول ءبيىن الەۋمەتتىك جەوىگە سالعان. 

ۆيدەودان قالانىڭ قونايەۆ پەن جانسۇگىروۆ كوشەلەرىنىڭ قيىلىسىنداعى باعدارشامنىڭ قىزىل تۇسىنە جول بويىندا بيلەگەن قىزدى كورۋگە بولادى.

بلوگەر قىز قيىلىستا توقتاعان كولىكتەن شىعىپ، باعدارشامنىڭ قىزىل ءتۇسى جانىپ تۇرعان ساتتە بيلەي باستاعان. شوۋدى قىزدىڭ ءوزى جانە كولىكتە قالعان ەر ادام تىكەلەي ەفيردە كورسەتكەن. 40 سەكۋندقا سوزىلعان قويىلىمدى باعدارشامنىڭ جانعان جاسىل ءتۇسى مەن قوزعالىستاعى كولىكتەردىڭ دابىلى ءۇزدى.

زاڭ بۇزۋشى ولاردان قاشىپ، جولدىڭ شەتىنە قاراي جۇگىردى. تيكتوك قولدانۋشىسى مۇنداي قادامعا تىكەلەي ەفيردە لايك جيناۋدان ۇتىلعان دوسىنىڭ شارتى بويىنشا بارعان.

"پاترۋلدىك پوليسيا پولكىنىڭ ينسپەكتورلارى قىزدىڭ جەكە باسىن انىقتادى. ول – قىزىلوردا وبلىسىنىڭ تۇرعىنى ەكەن. بۇل ارەكەتى ءۇشىن ق ر اقبتك-نىڭ 615-بابى بويىنشا جاۋاپكەرشىلىككە تارتىلدى"- دەلىنگەن پوليسيا حابارلاماسىندا.