گرۋزيانىڭ بۇرىنعى پرەزيدەنتى ميحايل سااكاشۆيلي بريتاندىق Times گازەتىنە حات جازدى. ول ءوز حاتىندا پۋتين 20 جىل بۇرىن ۋكراينانى باسىپ الۋدى جوسپارلاعانىن جازعان.
پۋتين ءوزىنىڭ ۋكرايناعا قاتىستى جوسپارىن سااكاشۆيليگە 2004 جىلى كرەملدەگى كەزدەسۋ كەزىندە ايتقان.
"ول قازىرگى ارەكەتتەرىنىڭ ءبارىن العاشقى كەزدەسۋىمىزدە-اق ازدى-كوپتى ايتىپ بەرگەن ەدى"، دەيدى ميحايل سااكاشۆيلي.
الايدا باسىلىمدا ەكس-پرەزيدەنت بىرنەشە رەت ەسكەرتۋىنە قاراماستان باتىس ەلدەرى ءپۋتيننىڭ اگرەسسيۆتى امبيسياسىنا ەلەمەگەنى جازىلعان.
ونىڭ حاتى اۋرۋحانادان قۇپيا تۇردە شىعارىلعان.
ەكس-پرەزيدەنتتە ءقازىر گرۋزين ەمەس، ۋكراين ازاماتتىعى بار. ميحايل سااكاشۆيلي بىلتىر مامىر ايىنان بەرى تبليسيدەگى "ۆيۆامەدي" كلينيكاسىندا جاتىر. ول 2021 جىلى گرۋزياعا ورالعان كەزدە ۇستالعان بولاتىن.
گرۋزيادا سااكاشۆيليگە بىرنەشە قىلمىستىق ءىس بويىنشا ايىپ تاعىلدى. ولاردىڭ ەكەۋى بويىنشا گرۋزياعا ورالعانعا دەيىن سىرتتاي 6 جىلعا سوتتالدى.
پىكىر قالدىرۋ