جەتىسۋ وبلىسى ەسكەلدى اۋدانى قارابۇلاق اۋىلىنىڭ سوتى جىبەك بوستانبەكوۆانى "تىيىم سالىنعان ۇيىم جۇمىسىنا قاتىستى" دەپ ايىرتاپ، باس بوستاندىعىن ءبىر جىلعا شەكتەدى.

بۇعان بوستانبەكوۆانىڭ بىلتىر كەزەكتەن تىس پرەزيدەنت سايلاۋى الدىندا قدت قوزعالىسىنىڭ جەتەكشىسى، قۋعىنداعى ەكس-بانكير مۇحتار ءابليازوۆتىڭ Instagram-پاراقشاسىنداعى تىكەلەي ەفيرگە قوسىلىپ، سۇراق قويعانى سەبەپ بولعان. 

سونىمەن قاتار، بوستانبەكوۆانىڭ قوعامدىق قىزمەتپەن اينالىسۋىنا 3 جىلعا شەكتەۋ قويىلعان. وعان سوت شىعىنى ءۇشىن 250 مىڭ تەڭگە، جابىرلەنۋشىلەر وتەماقى قورىنا 10 اەك تولەۋ مىندەتتەلدى. 

ايىپتالۋشى ىس-ارەكەتىن "ەكسترەميزم" دەپ سانامايتىنىن ايتتى. جىبەك بوستانبەكوۆانىڭ سوزىنشە، ول بۇعان دەيىن ءابليازوۆتىڭ ميتينگىلەرىنە قاتىسپاعان، بەلسەندى بولماعان.

الايدا قۇقىق قورعاۋشىلار ءىستىڭ "ساياسي استارى بار" دەيدى. بوستانبەكوۆا سوت شەشىمىنە قارسى شاعىم بەرەتىنىن ايتتى.

دەرەككوز: ازاتتىق راديوسى