الماتى وبلىسىندا اناسىنىڭ قارىزى ءۇشىن كورشىنىڭ قىزىنىڭ بەت-اۋزى مەن قولىن بايلاعان ايەل 2 ايعا قاماۋعا الىندى.
الماتى وبلىستىق پوليسيا دەپارتامەنتىنىڭ حابارلاۋىنشا، سوت شەشىمىمەن 22 شىلدەدە 1999 جىلعى ازاماتشا 2 ايعا قاماۋعا الىنعان. ءقازىر كۇدىكتىگە قاتىستى ق ر قك-نىڭ 126 بابى بويىنشا تەرگەۋ باستالدى.
ەسكە سالا كەتەيىك، الماتى وبلىسى قارعالى اۋىلىنىڭ تۇرعىنى كامەلەتتىك جاسقا تولماعان قىزدىڭ بەت-اۋزى مەن قولىن بايلاپ، قاراۋسىز قالعان عيماراتتىڭ اۋماعىنا اپارعان بولاتىن. كورشىنىڭ قىزىنىڭ اۋزى مەن قولىن بايلاپ جاتقانى تۋرالى ۆيدەوسى الەۋمەتتىك جەلىگە تاراعان سوڭ، ايەل كوپ ۇزاماي ۇستالعان ەدى.
ءقازىر قىز بالانى جابىرلەگەن ايەلدىڭ ۇستىنەن قىلمىستىق ءىس قوزعالدى. ونىڭ بۇل ارەكەتكە بارۋىنا قىزدىڭ اكە-شەشەسىنىڭ العان اقشانى قايتارا الماي جۇرگەنى سەبەپ بولعان كورىنەدى.
پىكىر قالدىرۋ