الماتىدا №98 اۆتوبۋستىڭ جۇرگىزۋشىسى ادام ولىمىنە اكەلىپ سوققان جول اپاتىنا كىنالى دەپ تانىلدى، دەپ حابارلايدى قالالىق سوتتىڭ باسپا ءسوز قىزمەتى.
اپات كەزىندە №201 جانە №98 اۆتوبۋستار سوقتىعىسقان بولاتىن. سوتتالۋشى – №98 اۆتوبۋستىڭ جۇرگىزۋشىسى.
تەرگەۋ بارىسىندا انىقتالعانداي، سوتتالۋشى جول قوزعالىسى ەرەجەلەرىن ەلەمەي، باعدارشامنىڭ قىزىل تۇسىنە توقتاماي، №201 اۆتوبۋسپەن سوقتىعىسقان.
"سوت سوتتالۋشى ازاماتتى قازاقستان رەسپۋبليكاسى قىلمىستىق كودەكسىنىڭ 345-بابىنىڭ 3-بولىگى بويىنشا ("جابىرلەنۋشىنىڭ ولىمىنە اكەپ سوققان جول قوزعالىسى ەرەجەلەرىن بۇزۋ") كىنالى دەپ تانىپ، وعان 2 جىل 6 اي مەرزىمگە باس بوستاندىعىنان ايىرۋ تۇرىندەگى ەڭ جوعارى جازا جانە 5 جىل مەرزىمگە كولىك قۇرالىن تىزگىندەۋ قۇقىعىنان ايىرۋ تۇرىندە قوسىمشا جازا كەستى"، – دەلىنگەن سوت حابارلاماسىندا.
پىكىر قالدىرۋ