شىمكەنت قالاسى پوليسيا دەپارتامەنتىنىڭ جەرگىلىكتى پوليسيا قىزمەتىنىڭ باسشىلارى جۇيەلى تۇردە جەمقورلىقپەن اينالىسقانى ءۇشىن سوتتالدى.

شىمكەنت قالاسىنىڭ قىلمىستىق ىستەر جونىندەگى اۋدانارالىق سوتى 4-روتا كومانديرى ق. ءالىمحانوۆ پەن 8-روتا كومانديرى ن. مىرزالييەۆكە قاتىستى ۇكىم شىعاردى.

ءالىمحانوۆ پەن مىرزالييەۆ 7 جىلعا باس بوستاندىعىنان ايىرىلىپ، مەملەكەتتىك قىزمەت اتقارۋ قۇقىعىنان ءومىر بويىنا ايىرىلدى.

ۇكىم زاڭدى كۇشىنە ەنگەن جوق.

سوتتالعاندار شىمكەنت قالاسى سىبايلاس جەمقورلىققا قارسى قىزمەت دەپارتامەنتىمەن جانە پوليسيا دەپارتامەنتىنىڭ وزدىك قاۋىپسىزدىك باسقارماسىمەن اشكەرەلەنگەن بولاتىن. ولار قىزمەتتەگى جالپى قامقورلىعى ءۇشىن تۇراقتى نەگىزدە قاراماعىنداعى پوليسەيلەردەن 5-تەن 10 مىڭ تەڭگەگە دەيىن بىرنەشە رەت پارا الدى دەپ ايىپتالدى.

بۇدان باسقا، ءالىمحانوۆ اكىمشىلىك جاۋاپكەرشىلىككە تارتپاعانى ءۇشىن ءوزىنىڭ قاراماعىنداعىلار ارقىلى شىمكەنت قالاسىنىڭ تۇرعىنىنان 130 مىڭ تەڭگە سوماسىندا زاڭسىز سىياقى العان.

سىبايلاس جەمقورلىققا قارسى قىزمەت پەن ءىىم-نىڭ جەمقورلىق فاكتىلەرىن انىقتاۋ جانە جولىن كەسۋ جونىندەگى ءوزارا ىنتىماقتاستىق تۋرالى مەموراندۋم اياسىندا بىرلەسكەن جۇمىسى جالعاسۋدا.

دەرەككوز: HalyqUni