قىرعىزستان پرەزيدەنتى سادىر جاپاروۆ جۋرناليستەرگە بەرگەن سۇحباتىندا جيەنىنىڭ جەمقورلىقپەن تۇتقىندالۋىنا قاتىستى پىكىر ءبىلدىردى. بۇل تۋرالى 24.kg اگەنتتىگى جازدى. 

ول سىبايلاس جەمقورلىقپەن كۇرەستە دوس تا، دۇشپان دا جوق ەكەنىن ايتتى. پرەزيدەنتتىڭ ايتۋىنشا، زاڭدى بۇزعانى ءۇشىن سوتتالعانداردىڭ بارلىعى مەملەكەتتىڭ ءبىرىنشى تۇلعالارىمەن تۋىستىق دارەجەسىنە قاراماستان جاۋاپكەرشىلىككە تارتىلادى.

"ءقازىر زامان باسقا. بارلىعىنا زاڭ بىردەي. جەمقورلىقپەن اينالىسساڭ قاماۋعا الىناسىڭ. مەملەكەتكە ەكى ەسەلەنگەن شىعىندى وتەيسىڭ دە، كەتەسىڭ. ايتپەسە تۇرمەگە جابىلاسىڭ. مەن ارالاسىپ، بۇل اعانى قاماماڭىز دەسەم، قالعاندارى دا زاڭ بۇزا باستايدى. قىرعىزداردا ءبىر جازا مىڭ ادامعا ساباق بولادى دەگەن جاقسى ءسوز بار”، – دەدى سادىر جاپاروۆ. 

ەسكە سالا كەتەيىك، بۇعان دەيىن بىشكەكتە ەلدىڭ قازىرگى پرەزيدەنتى سادىر جاپاروۆتىڭ جيەنى ۇلان جاپاروۆ جەمقورلىقپەن ۇستالعان بولاتىن.