قازاقستان رەسپۋبليكاسى دەنساۋلىق ساقتاۋ ءمينيسترىنىڭ بۇيرىعىمەن نۇرلان زايكەش ۇلى ىسقاقوۆ قازاقستان رەسپۋبليكاسى دەنساۋلىق ساقتاۋ مينيسترلىگى مەديسينالىق جانە فارماسيەۆتيكالىق باقىلاۋ كوميتەتىنىڭ ءتوراعاسى بولىپ تاعايىندالدى. بۇل تۋرالى ق ر ۇكىمەتىنىڭ باسپا ءسوز قىزمەتى حابارلادى.
"ق ر دەنساۋلىق ساقتاۋ ءمينيسترىنىڭ بۇيرىعىمەن نۇرلان زايكەش ۇلى ىسقاقوۆ ق ر دسم مەديسينالىق جانە فارماسيەۆتيكالىق باقىلاۋ كوميتەتىنىڭ ءتوراعاسى بولىپ تاعايىندالدى"، - دەلىنگەن حابارلامادا.
نۇرلان ىسقاقوۆ 1978 جىلى ومبى قالاسىندا (رەسەي فەدەراسياسى) دۇنيەگە كەلگەن.
ول اقمولا مەملەكەتتىك مەديسينا اكادەمياسىن، "تۇران" استانا ۋنيۆەرسيتەتىن، حالىقارالىق بيزنەس اكادەمياسىن، الماتى باسقارۋ ۋنيۆەرسيتەتىن، رەسەي فەدەراسياسى پرەزيدەنتىنىڭ جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىن بىتىرگەن.
ەڭبەك جولىن 1998 جىلى قالالىق جەدەل جاردەم ستانسياسىندا باستاعان.
1999-2002 جىلدارى استاناداعى قالالىق جەدەل جاردەم ستانسياسىندا فەلدشەر بولىپ جۇمىس ىستەدى.
2002-2007 جىلدارى - استانا دەنساۋلىق ساقتاۋ باسقارماسىنىڭ اپاتتار مەديسيناسى ءبولىمىنىڭ باس مامانى، اپاتتار مەديسيناسى ورتالىعىنىڭ ۇيىمداستىرۋ-ادىستەمەلىك ءبولىمىنىڭ مەڭگەرۋشىسى.
2007-2008 جىلدارى - وڭتۇستىك قازاقستان وبلىسى دەنساۋلىق ساقتاۋ باسقارماسىنىڭ اۋىلدىق دەنساۋلىق ساقتاۋ ءبولىمىنىڭ باس مامانىنىڭ مىندەتىن اتقارۋشى، باس مامانى.
2008-2009 جىلدارى پرەزيدەنت اكىمشىلىگىنىڭ مەديسينالىق ورتالىعىنىڭ سانيتارلىق-ەپيدەميولوگيالىق قاداعالاۋ ءبولىمىنىڭ ساراپشىسى، مەديسينالىق-ساناتوريالىق-كۋرورتتىق كومەكتى ۇيىمداستىرۋ ءبولىمىنىڭ جانە ۇيىمداستىرۋ-قۇقىقتىق قامتاماسىز ەتۋ ءبولىمىنىڭ باس ساراپشىسى بولىپ جۇمىس ىستەدى.
2009-2012 جىلدارى "سك-فارماسيا" ج ش س قۇرىلىمىندا جۇمىس ىستەدى.
2012-2017 جىلدارى - قازاقستان رەسپۋبليكاسى پرەزيدەنتى اكىمشىلىگىنىڭ مەديسينالىق ورتالىعى گوسپيتالىنىڭ كلينيكالىق-وڭالتۋ كەشەنىنىڭ مەديسينالىق تەحنولوگيالاردى ەنگىزۋ ءبولىمىنىڭ مەڭگەرۋشىسى، "مەديسينالىق تەحنولوگيالار جانە اقپاراتتىق جۇيەلەر ورتالىعى" اق پرەزيدەنتى.
2017-2020 جىلدارى - Kazakh Tourism ۇلتتىق كومپانياسى" اق تۋريستىك باعىتتاردى دامىتۋ دەپارتامەنتىنىڭ ديرەكتورى.
2020 جىلى "سك-فارماسيا" ج ش س باسقارما ءتوراعاسىنىڭ ورىنباسارى بولىپ جۇمىس ىستەدى.
2022 جىلعى تامىزدان باستاپ قازىرگى ۋاقىتقا دەيىن ق ر دەنساۋلىق ساقتاۋ مينيسترلىگىنىڭ "ساليدات قايىربەكوۆا اتىنداعى دەنساۋلىق ساقتاۋدى دامىتۋدىڭ ۇلتتىق عىلىمي ورتالىعى" شجق رمك باسقارما ءتوراعاسىنىڭ ورىنباسارى قىزمەتىن اتقاردى.
پىكىر قالدىرۋ