قاماۋداعى جۋرناليست دۋمان مۇحامەدكارىمنىڭ ادۆوكاتى عالىم نۇرپەيىسوۆ ءبىر كۇن بۇرىن رىسبەك سارسەنباي ۇلى باستاعان 40 شاقتى بەلسەندى جۋرناليست دۋمان مۇحاممەدكارىمدى الماتىعا اۋىستىرۋ تۋرالى پروكۋراتۋراعا ءوتىنىش بەرگەنىن حابارلادى.
كەيىن پروكۋروردىڭ ورىنباسارى ءوتىنىشتى قاناعاتتاندىرعان. بۇل تۋرالى ازاتتىق راديوسى حابارلادى.
"جازباشا حاتتى ازىرگە المادىم. ءبىراق جۋىق ارادا الامىز دەپ ويلايمىن" - دەدى عالىم نۇرپەيىسوۆ.
ول بۇگىن وسىنى دۋمان مۇحاممەدكارىمگە ايتۋ ءۇشىن تالدىقورعانعا بارعان. الايدا اشتىق جاريالاعانىنا 22 كۇن بولعان جۋرناليست دەنساۋلىعىنا بايلانىستى ادۆوكاتىنا شىعا الماعان. ول جازباشا جاۋاپتى قولعا المايىنشا جانە ءوزىن الماتىعا جىبەرمەيىنشە اشتىقتى توقتاتپايتىنىن ايتقان.
تالدىقورعانداعى تەرگەۋ يزولياتورىندا جاتقان قاماۋداعى جۋرناليست دۋمان مۇحاممەدكارىم ءوزىن الماتىعا اۋىستىرۋدا تالاپ ەتىپ، 5 شىلدەدە اشتىق جاريالاعان. ادۆوكاتتىڭ ايتۋىنشا، ءجۋرناليستىڭ جاعدايى وتە ناشار. مەكەمە كەزەكشىسى دارىگەرلەر ونىڭ جاعدايىن ءسات سايىن باقىلاپ وتىرعانىن ايتقان. بۇعان دەيىن جۋرناليست دارىگەرلەر ەمىنەن باس تارتقان.
پىكىر قالدىرۋ