جەتىسۋ وبلىسىنىڭ پروكۋراتۋراسى تابيعات قورعاۋ زاڭناماسى سالاسىنداعى قاتتى تۇرمىستىق قالدىقتار پوليگوندارىنىڭ جۇمىس ىستەۋى بويىنشا تالداۋ جۇرگىزدى، دەپ حابارلايدى وبلىستىق پروكۋراتۋرانىڭ باسپا ءسوز قىزمەتىنە سىلتەمە جاساپ.
ۆەدومستۆونىڭ مالىمەتىنشە، وبلىستىڭ كەيبىر اۋداندارىندا قاتتى تۇرمىستىق قالدىقتار پوليگوندارى قۇقىق بەلگىلەيتىن قۇجاتتارسىز جۇمىس ىستەيتىنى انىقتالدى.
مىسالى الاكول اۋدانىندا 23 اۋىلدىق وكرۋگتە (56 ەلدى مەكەن) 33 قاتتى تۇرمىستىق قالدىقتار پوليگونى بار. الايدا ونىڭ ىشىندە تەك دوستىق وكرۋگىندەگ "ءشىڭدالى" پوليگونىندا عانا قۇقىق بەلگىلەيتىن قۇجات بار.
وسىعان ۇقساس فاكتىلەر سارقان (9 فاكت)، كوكسۋ (7 فاكت) جانە ەسكەلدى (1 فاكت) اۋداندارىندا انىقتالدى. جوعارىدا اتالعان بارلىقزاڭ بۇزۋشىلىقتار بويىنشا پروكۋرورلىق قاداعالاۋ اكتىلەرى ەنگىزىلدى.
"قازىرگى ۋاقىتتا اكتىلەردى قاراۋ ناتيجەلەرى بويىنشا ءۇش اۋىل اكىمىنە 300 اەك-تەن استام سوماعا ايىپپۇل تاعايىندالدى جانە ءبىر اۋدان اكىمىنىڭ ورىنباسارى تارتىپتىك جاۋاپقا تارتىلدى"، - دەلىنگەن جەتىسۋ وبلىسى پروكۋراتۋراسىنىڭ حابارلاماسىندا.
سونداي-اق جەرگىلىكتى اتقارۋشى ورگاندار زاڭسىز جۇمىس ىستەيتىن قاتتى تۇرمىستىق قالدىقتار پوليگوندارىن زاڭداستىرۋ بويىنشا جۇمىس جۇرگىزىپ جاتىر.
