ورتالىق كوممۋنيكاسيالار قىزمەتىندەگى بريفينگىدە قورعانىس ءمينيسترىنىڭ ورىنباسارى دارحان احمەدييەۆ اسكەري مىندەتىن ورىنداۋدى كەيىنگە قالدىرۋ ءۇشىن جالعان انىقتاما جاساعاندار انىقتالعانىن ايتتى.

"مەن بۇعان دەيىن 1 ناۋرىزدان باستاپ وقۋ ورىندارىنداعى 300 مىڭنان استام وقۋشىعا اۆتوماتتى رەجيمدە شاقىرۋدى كەيىنگە قالدىرۋ تۋرالى مالىمدەگەنىمدەي، كوكتەمگى شاقىرۋ كومپانياسىنىڭ قورىتىندىسى دا ءوزىنىڭ تيىمدىلىگىن كورسەتتى. سونىمەن قاتار، جاعىمسىز جاقتارى دا انىقتالدى، ولاردى جويۋ بولاشاقتا وسى جۇمىستىڭ ناتيجەلەرىنە وڭ اسەر ەتەدى. مىسالى، وقۋ تۋرالى جالعان انىقتامالاردى ۇسىنۋ جاعدايلارى انىقتالدى. ولاردىڭ نەگىزىندە بەلگىلى ءبىر سىياقى ءۇشىن وسىنداي انىقتامالاردى بەرۋ بويىنشا زاڭسىز قىزمەتپەن اينالىساتىن ادامدار انىقتالدى. بۇل اقپارات قۇزىرەتتى ورگاندارعا بەرىلدى. ءقازىر سوتقا دەيىنگى تەرگەۋ امالدارى ءجۇرىپ جاتىر"، - دەپ ءمالىم ەتتى دارحان احمەدييەۆ.

سپيكەر اتاپ وتكەندەي، ءبىر مەزگىلدە ءار ءتۇرلى وڭىرلەردەگى ەكى جوعارى وقۋ ورىندا وقيتىن ازاماتتار انىقتالعان. دارحان احمەدييەۆتىڭ دەرەگىنشە، بۇل ماسەلەلەر عىلىم جانە جوعارى ءبىلىم مينيسترلىگىمەن تالقىلانىپ، شەشۋ جولدارى قاراستىرىلعان.