27 شىلدەدە الماتىنىڭ №2 بوستاندىق اۋداندىق سوتى قاڭتار وقيعاسى كەزىندە "جاپپاي تارتىپسىزدىككە شاقىردى جانە قاتىستى" دەگەن ايىپپەن ادىدەت ءمۋسيندى كىنالى دەپ تانىپ، 9 ايعا باس بوستاندىعىنان ايىردى.
ول جازاسىن قاۋىپسىزدىگى ورتاشا مەكەمەدە وتەيدى. بۇل تۋرالى ازاتتىق راديوسى جازدى.
38 جاستاعى ادىلەت مۋسين بۇعان دەيىن وزىنە تاعىلعان ايىپتاردى ۇزىلدى-كەسىلدى جوققا شىعارعان.
بۇعان دەيىن قورعاۋشىلار تارابى سوڭعى سوت وتىرىستارىندا "ونى قاڭتار كەزىندە "شال، كەت!" دەپ ايعايلاعانى ءۇشىن عانا سوتتاعىسى كەلەدى، ال مۇنى قاڭتار كەزىندە بۇكىل ەلدىڭ جارتىسى ايتقان" دەپ مالىمدەگەن ەدى. ولار ءمۋسيننىڭ كىناسىن دالەلدەيتىن ايعاقتار جوعىن، سوتتا سويلەگەن كۋاگەرلەردىڭ ەشقايسىسى ءمۋسيننىڭ "زاڭسىز ارەكەتكە بارعانىن" ايتپاعانىن العا تارتقان بولاتىن.
پىكىر قالدىرۋ